Nisja e anijes kozmike ‘Orion’ drejt hapësirës, NASA: Mediat shqiptare do të kenë mundësinë të dëshmojnë këtë ngjarje historike! Ja deri kur mund të aplikoni

TIRANË- Mediat shqiptare do mund të kenë mundësinë të xhirojnë nisjen e anijes kozmike ‘Orion’ drejt hapësirës.

Ambasada e SHBA-së në vendin tonë, përmes një postimi në ‘Facebook’ shkruan se NASA fton mediat ndërkombëtare, ku përfshihen edhe ato shqiptare, që të regjistrohen për të dëshmuar këtë ngjarje historike. Afati i fundit për të dorëzuar kërkesat për akreditim është data 18 janar, ndërkohë të gjitha mediat mund të aplikojnë në këtë link: https://media.ksc.nasa.gov/.

Nisja e anijes kozmike parashikohet të bëhet nga mesi i muajit shkurt në Qendrën Hapësinore Kennedy të NASA-s në Florida.

“Mediat shqiptare ftohen të regjistrohen në Administratën Kombëtare të Aeronautikës dhe Hapësirës (NASA) për të dëshmuar një ngjarje historike! NASA ka ftuar mediat amerikane dhe ndërkombëtare që të filmojnë imazhe dhe video të Sistemit të Nisjes Hapësinore të saj dhe anijes Orion të NASA-s, ndërsa raketa e përbërë dhe anija kozmike bëhen gati për momentin e nisjes për herë të parë, në përgatitje për misionin Artemis I të NASA-s. Afati i fundit për mediat ndërkombëtare për të dorëzuar kërkesat për akreditim është 18 janari”, shkruan ambasada e SHBA-së në Tiranë.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Presidenti i ri duhet të jetë i PS apo i opozitës?



×

Lajmi i fundit

John

Media spanjolle: BE po vlerëson të kryejë një mision detar për të eksportuar grurë nga Ukraina