Ministri i Mbrojtjes, Pirro Vengu mori pjesë sot në ceremoninë e nisjes së kontingjentit XVI EOD, me mision në Prezencën e Përparuar të Përforcuar të NATO-s në Letoni.
Në fjalën e tij Vengu u shpreh se, megjithëse mund të konsiderohet si një vendimmarrje e thjeshtë të dërgosh ushtarët që të na përfaqësojnë nëpër misione të tilla, por nuk është e tillë.
“Është një vendimmarrje që kërkon mirëkuptimin dhe sakrificën e familjarëve tuaj në radhë të parë. Nuk është një vendimmarrje e thjeshtë, sepse nënkupton një dedikim dhe një vetëmohim nga ju vetë. Nuk është një vendimmarrje e thjeshtë, sepse edhe për të gjithë ekipin drejtues të Forcave të Armatosura dhe pa dyshim për Komandën Mbështetëse në veçanti kërkon një sipërmarrje domethënëse.
Kohët që po jetojmë na kanë vënë në një kohë të vështirë, pavarësisht se Shqipëria në suazën e mbrojtjes kolektive nuk ka qenë kurrë më e mbrojtur sesa sot. Situata gjeopolitike në krahun lindor dhe posaçërisht në Ukrainë, na vë përpara detyrës dhe përgjegjësisë së solidaritetit me anëtarët e tjerë të Aleancës tonë dhe këtë nuk duhet ta harrojmë sa herë përmendim sakrificën e forcave tona të armatosura kur vjen puna tek misionet e kësaj natyre”, tha Vengu.
Vengu vlerësoi sakrificën e tyre duke i uruar një mision të mbarë. Vengu gjithashtu nënvizoi se, kapacitetet EOD janë të mirënjohura tashmë si kapacitet kombëtar.
“Është pa dyshim me fat që është pjesë e ombrellës së Aleancës më të madhe politike, ushtarake të kohërave moderne, por është gjithashtu me fat që sheh tek secili anëtar i FA-së vendosmërinë dhe angazhimin e plotë për të mos u sprapsur përballë sfidave që na kanosen. Ju jeni pa dyshim mburoja dhe forca e të gjithë ne. Sakrifica juaj dhe ajo e familjeve tuaja, të cilat i përshëndes me shumë respekt dhe mirënjohje, sot merr vlerësimin më të lartë nga ne, nga bashkëkombësit tuaj dhe nga Atdheu. Ju uroj mision të mbarë dhe të suksesshëm!”, tha ai.
Lajme të tjera
-
Komisioni i Ligjeve miraton nismën për Forcën Rezerviste, ministri Vëngu: Synojmë rreth 2100 deri në vitin 2030! Rezervistë edhe në diasporë, misione jashtë vendit
26 Nëntor, 16:36
-
NATO dhe Ukraina takohen lidhur me raketën e re ruse
26 Nëntor, 08:23 -
Zyrtar i lartë i NATO-s: Bizneset duhet të përgatiten për një “skenar lufte”
25 Nëntor, 18:29 -
Programi Albadapt për rreziqet ndaj klimës, 35 milionë euro nga qeveria gjermane! Kumbaro: Modernizim i infrastrukturës digjitale! Vengu: Të përfshijmë vullnetarët
25 Nëntor, 13:50 -
Shef i NATO-s, Mark Rutte viziton sot Turqinë ku do takohet me Erdogan dhe Fidan! Nesër do të jetë në Athinë
25 Nëntor, 09:49 -
E ardhmja e NATO-s dhe qëndrimet e Trump
24 Nëntor, 17:30 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Protestat kundër Izraelit dhe NATO-s në Montreal, kryeministri Trudeau dënon dhunën
23 Nëntor, 22:08 -
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Shefi i NATO-s takohet me Trumpin në Florida
23 Nëntor, 12:35 -
Dokumenti sekret/ Gjermania përgatitet për luftë botërore, gazeta gjermane zbulon planet e Berlinit
21 Nëntor, 17:47
-
Trump zgjedh Matthew Whitaker për postin e ambasadorit në NATO
20 Nëntor, 19:15
