Nigel Farage, ka pranuar gjatë një interviste për emisionin ‘’Good morning Britain’’ disa orë pas rezultatit të referendumit, se nuk do të përmbushë një nga premtimet kryesore për të cilat është votuar. 

Farage është tërhequr nga premtimi i tij kryesor, ku deklaronte se 360 milionë sterlinat që shkonin për Bashkimin Europian, do i investonte për mirëqënie dhe shëndetësi. Ai u shpreh me gjakftohtësi se ky premtim ishte një ‘gabim’.

Prezantuesja Susanna Reid ka insistuar duke i kujtuar Farage se pjesa më e madhe e 17 milionë votuesve kishte votuar për dalje nga BE, pikërisht për shkak të këtij premtimi.