Për t'u përballur me "krizën më serioze në historinë e BE", kancelarja gjermane Angela Merkel është pajtuar me Emmanuel Macron të pasurojë buxhetin shumëvjeçar europian me një fond rigjenerimi "ambicioz, të përkohshëm" me vlerë 500 miliardë euro.
Komisioni i BE-së do të emetojë bono
Paratë do të jepen në formën e transferimeve dhe jo të kredive për vendet që janë në krizë. Ato do të gjenden nga Komisioni i BE në treg, përmes bonove, do tju shpërndahen vendeve më të goditura nga pandemia dhe do të kthehen jo nga vendet përfituese por nga vendet anëtare të BE në tërësi.
![](https://shqiptarja.com/template/img/NO_ALFA_Kuadrate shqiptarja.png)
Kancelarja Merkel deklaroi se Gjermania do të mbulojë ‘pjesën e luanit’ dhe do të kontribuojë me 27%" në Fondin e Rimëkëmbjes.
Fondet nuk peshojnë te borxhet
Risia e nismës franko-gjermane, do t'i paraqitet Komisionit të BE-së për diskutim me partnerët e tjerë europianë dhe do të duhet të votohet unanimisht, e do të ratifikohet nga parlamentet e vendeve të BE.
500 miliardë euro, është më pak sesa kërkohet nga vende si Italia, të cilës do ti takojnë rreth 100 miliardë, por është një kompromis i domosdoshëm për të përmbushur rezistencën e vendeve të Evropës Veriore.
Lajmi i mirë për Italinë dhe për vendet e tjera si Spanja, të cilat preken më shumë nga kriza dhe rrezikojnë nga borxhi i tyre i rëndë për të ristartuar ekonominë, është se fondet nuk do të jenë kredi.
Për qeverinë italiane, nisma Merkel-Macron përfaqëson një hap të mirë përpara që shkon në drejtimin e duhur dhe se 500 miliardë euro është sigurisht një pikë fillestare e mirë
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)