Një tatuazh i ri për Lindsay Lohan

Aktorja Lindsay Lohan është një adhuruese e tatuazheve në trup, prandaj edhe ka preferuar që të shënojë momentet më të bukura, por edhe të vështira të jetës së saj mbi lëkurë. Burime të sigurta për faqen prestigjioze të lajmeve TMZ, sjellin fakte për një tatuazh të ri. “Sipas burimeve tona, Lilo ka shkuar në një sallon mbrëmjen e së premtes për të bërë një tatuazh të ri. Shtysë për këtë tatuazh të ri ka qenë ky moment që po kalon, prandaj ajo ka vendosur që ta kujtojë gjatë atë”. Kujtojmë se në mars aktorja u dënua nga gjykata për punë në komunitet, një periudhë e vështirë të cilën realisht ajo e ka vuajtur psikologjikisht, prandaj edhe ka zgjedhur që ky moment të mbetet përgjithmonë në kujtesën e saj.