POP 5

Lajmet më të lexuara të 5 minutave të fundit

Kronikë

Një ditë para derbit, gjykata dënon me 12 muaj shërbim prove tifozin e Tiranës që ndezi flakadan

Armando Balliu është dënuar pasi në derbin e 13 dhjetorit 2019, ndezi një flakadan, kur Tirana shënoi kundër Partizanit.

Një ditë para derbit, gjykata dënon me 12 muaj shërbim prove tifozin e Tiranës që ndezi flakadan

Vetëm një ditë pas zhvillimit të derbit sportiv mes ekipit të futbollit Tirana dhe Partizani, mësohet se Gjykata e Tiranës ka dënuar me 6 muaj burgim një tifoz të Tiranës. Në derbin e parë të 13 dhjetorit 2019, ky tifoz është konstatuar se ka ndezur flakadanë në stadium. Vendimi për dënimin e tifozit Armando Balliu është marrë nga gjyqtarja Rexhina Merlika, e cila ka vendosur të deklarojë fajtor Balliun, dhe dënuar me 6 muaj burgim për akuzën e “Veprime të dhunshme në aktivitete sportive”. Ky dënim me burg, është konvertuar në një dënim me shërbim prove për një periudhë 12 mujore.

Sipas vendimit të gjykatës së Tiranës rezulton se në datën 13 dhjetor 2019 rreth orës 19:00 në stadiumin "Air Albania", po zhvillohej ndeshja e futbollit Partizani-Tirana . Duke parë këtë ndeshje ka qenë edhe Armando Balliu. Në momentin që ekipi për të cilin ai është tifoz e konkretisht skuadra e futbollit të Tiranës, ka shënuar gol ndaj skuadrës kundërshtare Partizanit, Armando Balliu, ka reaguar duke hedhur në shkallët e stadiumit një fishek zjarr që shkaktonte shumë tym. Pasi ka përfunduar ndeshja e futbollit, shërbimet e policisë së Komisariatit të Policisë Nr.1 Tiranë, pasi kanë këqyrur edhe kamerat e sigurisë të këtij ambient, kanë shoqëruar Armando Balliu në ambientet e Komisariatit të Policisë Nr.1 Tiranë. Edhe nga deklarimet e punonjësve të Policisë të Komisariatit të Policisë Nr.1 Tiranë, konfirmohet fakti se personi nën hetim ka pasur një fishekzjarr, të cilin e ka ndezur dhe e ka hedhur më pas në shkallët e stadiumit. I pyetur në cilësinë e personit ndaj të cilit zhvillohen hetime Balliu, ka deklaruar se është e vërtete që ka ndezur një fishekzjarr në momentin që ekipi tij i zemrës kishte shënuar gol ndaj ekipit kundërshtar. Balliu deklaroi se e ka mbajtur në dorë derisa është shuar e me pas e ka hedhur tek shkallët e stadiumit.

I.K/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06