POP 5

Lajmet më të lexuara të 5 minutave të fundit

Shëndeti

Epokë e re në trajtimin e Alzhaimer, zbulohet ilaçi i rëndësishëm për sfidën e shekullit

Shkencëtarët e kanë konsideruar si tejet të rëndësishëm zbulimin e një ilaçi që ngadalëson shkatërrimin e trurit nga sëmundja e njohur si Alzheimer, forma më e shpeshtë e harresës. Megjithatë, ilaçi Lecanemab ka efekt të vogël dhe ndikimi i tij në përditshmërinë e njerëzve të prekur nga kjo sëmundje është duke u diskutuar.

Epokë e re në trajtimin e Alzhaimer, zbulohet ilaçi i rëndësishëm për sfidën e shekullit

Shkencëtarët e kanë konsideruar si tejet të rëndësishëm zbulimin e një ilaçi që ngadalëson shkatërrimin e trurit nga sëmundja e njohur si Alzheimer, forma më e shpeshtë e harresës. Megjithatë, ilaçi Lecanemab ka efekt të vogël dhe ndikimi i tij në përditshmërinë e njerëzve të prekur nga kjo sëmundje është duke u diskutuar.

Sipas studimeve, ilaçi e ka ngadalësuar përkeqësimin e sëmundjes për një të katërtën e personave të prekur nga kjo sëmundje përgjatë 18 muajve të trajtimit. Ilaçi funksionon në fazat e hershme të sëmundjes, prandaj shumë sëmundja mund të avancojë të shumë njerëz derisa ata ta zbulojnë atë.

Lecanemab prek proteinat e dëmshme që krijohen në trurin e një njeriu që ka Alzheimer. Ai është antitrup, sikurse ata që krijon trupi për të luftuar viruset dhe bakteret, i cili është krijuar për të mësuar sistemin imunitar që të pastrojë nga truri proteinat e dëmshme.

Aktualisht, njerëzve me Alzheimer u jepen ilaçe të tjera për të ndihmuar në menaxhimin e simptomave të tyre, por asnjëra nuk ka ndikimin e Lecanemab. Alzheimer's Research UK tha se gjetjet ishin "të rëndësishme". Prof John Hardy, tha se ishte "historike". Profesor Tara Spires-Jones, nga Universiteti i Edinburgut, tha se rezultatet ishin "një punë e madhe sepse ne kemi pasur një shkallë dështimi 100% për një kohë të gjatë".

Në provën e këtij ilaçi u përfshinë 1.795 vullnetarë, të diagnostikuar në fazë të parë të sëmundjes. Atyre u janë dhënë dozat e ilaçit të ri çdo katër ditë. Rregullatorët amerikanë janë duke analizuar këto të dhëna për të vendosur nëse do ta miratojnë ilaçin për përdorim të gjerë. Krijuesit e tij, kompanitë farmaceutike Eisai dhe Biogen, planifikojnë të aplikojnë vitin tjetër për miratim të ilaçit në shtetet tjera.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça