Një serb u kap me mbi 6000 fishekë në veri të Kosovës, ministri Svelça: Beogradi synon destabilizimin e vendit tonë

Ministri i Brendshëm, Xhelal Sveçla ka reaguar pasi Policia e Kosovës kanë sekuestruar mbi 6000 fishekë të kontrabanduar nga Serbia në veri. Sveçla ka treguar se si policia, ka arritur të arrestojë shtetasin serb me 6300 copë fishekë.

“Përderisa Vuçiç flet për armatosje të Serbisë, në veri të Kosovës konfiskohen 6.300 copë municion të kontrabanduar nga Serbia.6.300 sasi të municionit janë konfiskuar sot nga Njësiti i Ndërhyrjes së Shpejtë të kufirit në Joshanicë, në veri të Kosovës. Gjatë patrullimit është ndaluar vetura e dyshimtë me targa të Serbisë e një shtetasi serb dhe njësitet relevante tashmë kanë ndërmarrë veprimet e nevojshme”, ka shkruar Sveçla. Ai ka thënë se grupe të orkestruara nga Beogradi kanë synim destabilizimin e Kosovës.

LEXO EDHE:
Dialogu Kosovë - Serbi/ Bislimi pas takimit trepalësh në Bruksel: Serbia e interesuar vetëm për Asociacionin

“Kjo rithekson sërish faktin se grupe të caktuara, të orkestruara dhe mbështetura nga Beogradi synojnë dhe angazhohen maksimalisht që të destabilizojnë vendin tonë”.

“Do të vazhdojmë pandalshëm angazhimin tonë në luftimin e çdo lloj kriminaliteti që synon të cënojë sigurinë e vendit tonë dhe të qytetarëve tanë”, ka shkruar Sveçla.

Lajmi kryesor:

U kap teksa fuste nga Serbia mbi 6 mijë fishekë, arrestohet serbi në veri të Kosovës

M.Q./Shqiptarja.com

TAG:
• fishekë
• kosove
• leposavic