POP 5

Lajmet më të lexuara të 5 minutave të fundit

Një shans i dytë për maturantët, MAS bën njoftimin e rëndësishëm për formularin A1

Të gjithë maturantët të cilët, për motive të ndryshme, nuk kanë aplikuar me formularin A1/ A1Z në portalin Matura Shtetërore 2019, do të kenë një shans të dytë.

Ministria e Arsimit Sportit dhe Rinisë njofton se maturantët se janë vënë ne dispozicion të maturantëve 5 ditë për plotësimin e formularit, procedurë e cila bëhet online në portalin "Matura Shtetërore dhe Portali e-albania.

Konkretisht, aplikimi do të rihapet në datën 27 maj dhe do të vijojë deri më 31 maj 2019, nga ora 09:00 deri në orën 16:00.

"Njoftohen të gjithë maturantët/ kandidatët që nuk kanë aplikuar me formularin A1/ A1Z në portalin Matura Shtetërore 2019, se ky portal dhe portali e-albania do të hapen për aplikime nga data 27 maj deri në 31 maj 2019, nga ora 09:00 deri në orën 16:00.

Plotësimi online i formularit bëhet në shkollat ku maturantët apo kandidatët kanë kryer arsimin e mesën të lartë, ose në shkollën e përcaktuar nga KMSH-ja e vendbanimit nëse shkolla e mesme që kanë përfunduar është e mbyllur.”

Ndryshe nga vitet e kaluara, aplikimet për formularin A1 dhe A1Z, këtë vit nisën në fillim të muajit janar. Në rregulloren e bërë publike më herët nga Ministria e Shëndetësisë janë përcaktuar edhe rregullat bazë, që duhet të ndiqen nga maturantët.

Në muajin qershor do të nisë edhe sezoni i provimeve. Ndryshe nga vjet, ata do të kenë vetëm një provim me zgjedhje. Ndërkohë që për të mos lënë asnjë derë të hapur për ankesa, Ministria e Arsimit që në muajin tetor nxitoi të publikonte programet orientuese, duke iu dhënë mjaftueshëm kohë maturantëve që të përgatiten mbi atë çka i pret në muajin qershor", thuhet në njoftim. 

B.K./Shqiptarja.com
Komento