Një tërmet i fuqishëm  7.5 ballë 
trondit Afganistanin, qindra viktima

Një tërmet i fuqishëm ka goditur Afganistanin verior me një magnitudë 7.5 ballë të shkallë rihter. Lëkundjet janë ndjerë gjerësisht si në Pakistan edhe në Indinë veriore, ndërsa raportohet për qindra viktima.

BBC njofton se 123 njerëz kanë humbur jetën në Pakistan ndërsa në Afganistan kanë vdekur rreth 19 persona.

Në një shkollë vajzash në provincën afgane të Takhar kanë vdekur 12 nxënëse si dhe janë plagosur 25 të tjera, të cilat dyshohet se kanë shtypur njëra-tjetrën në tentativë për të dalë nga godina.

Epiqendra e tërmetit ishte në rajonin malor Hindu Kush ndërsa autoritetet vendase thanë se tërmeti ndodhi në një thellësi prej 212 km në brendësi të tokës.

Nga kryeqyteti indian Delhi një korrespondent i BBC raporton se njerëzit braktisën shtëpitë, shkollat dhe institucionet për të dalë në rrugë. Në këtë qytet ka pasur probleme edhe me linjat telefonike të cilat kanë pësuar defekte.

Menjëherë ka reaguar kryeministri indian Narendra Modi i cili tha se do të ngrihet një grup i posaçëm pune për të përballuar situatën.

"Ne jemi të gatshëm për ndihmë. Do të bashkëpunojmë me Afganistanin dhe Pakistanin" tha ai.

Rajoni ka histori të tërmeteve të fuqishme të shkaktuara nga përplasja në veri të Indisë me Azinë qendrore.

Në vitin 2005, një tërmet me magnitudë 7.6 goditi Pakistanin ku la më shyëm se 75 mijë të vdekur. Në prill të këtij viti, Nepali pësoi tërmetin e saj më të fuqishëm  ku si pasojë 9 mijë njerëz humbën jetën ndërsa 900 mijë shtëpi janë shkatërruar.