Një tjetër anije a ngarkuar me drithëra është nisur nga Ukraina, sipas Ministrisë së Mbrojtjes të Turqisë. Anija u nis nga porti Chornomorsk i Ukrainës mëngjesin e të enjtes.
Numri i anijeve të ngarkuara me grurë që do të largohen nga portet e Detit të Zi të Ukrainës shkon në 25 me atë që u nis sot, Ukrainës sipas një marrëveshjeje të ndërmjetësuar nga OKB për eksportin e grurit.
Anija “I Maria” me flamur Belize është e ngarkuar me misër, dhe katër anije të tjera do të mbërrijnë në portet e Ukrainës të enjten për t'u ngarkuar me grurë.
Bllokimi i porteve ukrainase shkaktoi probleme në furnizimin global me drithëra, mirëpo falë një marrëveshjeje Rusi – Ukrainë të ndërmjetësuar nga Turqia, Ukraina ka nisur sërish eksportin e mijërave tonë drithëra. Rusia dhe Ukraina së bashku mbulojnë gati një të tretën e eksporteve globale të grurit.
Ndërsa marrëveshja për trasnportin e drithërave është ndërmjetësuar nga Turqia, presidenti turk Erdogan ditën e sotme ndodhet në Ukrainë ku do të takojë presidentin Zelensky si edhe kreun e OKB-së Guterres për të diskutuar hapat që mund të ndërmerren për t’i dhënë fund luftës Ukrainë-Rusi.
“Turqia është "në anën e Ukrainës ", kështu deklaroi presidenti turk Recep Tayyp Erdogan tha këtë në një konferencë për shtyp pas takimit me Volodymyr Zelensky dhe Sekretarin e Përgjithshëm të OKB-së Antonio Guterres në Lviv.
"Ne jemi të gatshëm të luajmë rolin tonë si lehtësues dhe ndërmjetës me qëllim të rifillimit të negociatave për të arritur në armëpushimin midis Ukrainës dhe Rusisë...Ne do të garantojmë mbështetjen e nevojshme për të rindërtuar vendin”, tha Erdogan.
Presidenti turk më pas kujtoi se Turqia deri më tani ka dërguar 98 kamionë ndihma në Ukrainë dhe mirëpritur përkohësisht pothuajse 325,000 qytetarë ukrainas dhe 1099 jetimë.
Dy avionë luftarakë rusë dyshohet se kanë shkelur hapësirën ajrore finlandeze sipas njoftimit të Ministrisë së Mbrojtjes së Finlandës, kjo pasi vendi nordik kërkon anëtarësimin në NATO pas luftës së Moskës kundër Ukrainës.
“Dy avionë luftarakë rusë MIG-31 dyshohet se kanë shkelur hapësirën ajrore finlandeze në Gjirin e Finlandës pranë Porvoo”, tha ministria në një deklaratë.
“Forcat Ajrore Finlandeze dërguan një mision fluturimi operacional për të identifikuar avionin, tha ajo, duke shtuar se Roja Kufitare Finlandeze kishte nisur "një hetim paraprak".
Incidenti ndodhi në orën 9:40 të mëngjesit dhe zgjati rreth dy minuta ndërsa avionët fluturuan drejt perëndimit për rreth një kilometër, tha një zëdhënës i ministrisë së mbrojtjes për AFP.
Presidenti turk Rexhep Tajip Erdogan mbërriti sot në Ukrainë në kuadër të një vizite zyrtare. Ai do të zhvillojë një takim dypalësh me Zelenskyn në Pallatin Potocki dhe do të diskutojë të gjitha aspektet e marrëdhënieve Turqi-Ukrainë në nivelin e partneritetit strategjik.
Përpara takimit me presidentin ukrainas Volodymyr Zelenskyy, Erdogan do të vendosë një kurorë lulesh në varrezat historike të Lychakiv. Bisedimet dypalëshe do të pasohen nga një samit trepalësh me Sekretarin e Përgjithshëm të OKB-së Antonio Guterres.
Sipas presidencës turke, Erdogan, Zelensky dhe Guterres do të diskutojnë hapat që mund të ndërmerren për t’i dhënë fund luftës Ukrainë-Rusi përmes diplomacisë dhe ruajtjen e mekanizmit të krijuar për eksportin e grurit ukrainas në tregjet botërore.
Më 22 korrik, Turqia, OKB, Rusia dhe Ukraina nënshkruan një marrëveshje në Stamboll për të rihapur tre porte ukrainase të Detit të Zi për eksportimin e grurit ukrainas të bllokuar për shkak të luftës në Ukrainë, e cila filloi më 24 shkurt shkurt.
Lajme të tjera
-
Presidenti ukrainas Zelensky: Kemi çdo shans për t'i dhënë fund luftës në 2025-ën
24 Nëntor, 08:24 -
Burim nga ushtria ukrainase: Kemi humbur mbi 40% të territorit të pushtuar rus në Kursk
23 Nëntor, 22:35 -
Poloni, fermerët bllokojnë kalimin kufitar me Ukrainën
23 Nëntor, 20:39 -
Shefi i NATO-s takohet me Trumpin në Florida
23 Nëntor, 12:35 -
Angela Merkel intervistë për 'Corriere della Serra': Nuk e kërkova unë largimin e Berlusconit! Putin? I njihja synimet e tij, është një armik i Evropës
23 Nëntor, 11:23 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
Lufta në Ukrainë/ Putin urdhëron prodhimin masiv dhe testim të raketës ‘Oreshnik’! Rutte takon Trump në Florida
23 Nëntor, 08:33 -
Zelensky: Po punojmë në zhvillimin e sistemeve të reja të mbrojtjes ajrore
22 Nëntor, 20:53 -
Putin paralajmëron se Rusia do të vazhdojë të testojë raketën e re balistike: Po na krijohen kërcënime!
22 Nëntor, 19:36 -
Parlamenti i Ukrainës pezullon punimet përballë kërcënimit të sigurisë nga Rusia
22 Nëntor, 18:00 -
Përdorimi i raketave të avancuara nga Rusia, sinjal për Perëndimin
22 Nëntor, 07:40
