Një tornado i afrohet shtëpisë, prezantuesi i motit i shkruan live gruas

Duhet të jepte mesazhe për qytetarët sesi të mbrohen nga tornado, por kjo nuk e ka bërë atë të mos shqetësohet për gruan e tij dhe shtëpinë e tij, kjo pasi ajo gjendej në mes të tij! Kjo i ka ndodhur një prezantuesi televiziv i cili tregon parashikimin e motit në Alabama TV, duke u bërë kështu një nga videot më të para dhe komentuara orët e fundit.

Prezantuesi gjatë transmetimit live kur pa që stuhia po drejtohej në shtëpinë e tij, I ka shkruajtur gruas për ta pyetur se ku gjendej dhe nëse ishte e sigurte.  Sipas mediave amerikane, meteorologu i ABC 33/40, James Spann, ishte në mes të paralajmërimit të banorëve të Shelby County për tu strehuar të enjten ndërsa kushtet e jashtëzakonshme të motit godisnin vendin.

Ndërsa transmetimi vazhdonte të ishte i drejtpërdrejtë, Spann mund të dëgjohet duke thënë: ‘Ajo që po bëj është t’i dërgoj mesazh gruas time për t’u siguruar që është e strehuar’.

Gazetarët në redaksinë e ABC 33/40 arritën të kontaktonin gruan e tij, e cila u tha atyre: ‘Oh, është një mrekulli. Një pemë e madhe për pak nuk goditi shtëpinë tonë!’.

 

 

TAG:
• SHBA
• tornado