Kryebashkiaku pro-rus i një qyteti në Ukrainën lindore, i cili mirëpriti pushtimin e Presidentit Vladimir Putin u ‘vrit për vdekje’ pasi u rrëmbye nga shtëpia e tij, është bërë e ditur. Vlodymyr Struk, nga Kreminna në Luhansk, u vra të martën, ku sipas bashkëshortes së tij, ai u rrëmbye nga shtëpia dhe u qëllua me një plumb në zemër.

Këshilltari i Ministrit të Brendshëm të Ukrainës, Anton Gerashchenko, teksa konfirmoi lajmin me një postim në Facebook, pretendoi se Struk ishte një "mbështetës i Republikës Popullore të Luhanskut dhe ndoqi në mënyrë aktive një pozicion pro-rus javën e fundit duke komunikuar me rusët".

Këshilltari i Ministrit të Brendshëm të Ukrainës pretendoi se Struk "u gjykua nga gjykata e popullit" që e quajti atë "tradhtar".

 “Një tradhtar i Ukrainës më pak! Vladimir Struk, ish-deputeti i Këshillit Rajonal të Luhanskut, kreu i Kreminetsk OTG, u gjet i vrarë. Më 1 mars, bashkëshortja e tij tha se ishte rrëmbyer pa persona të panjohur, ndërsa më pas u gjet i vrarë. Ukraina nuk mund të bënte asgjë kundër tij, pasi kishte shumë para, që me shumë gjasa i merrte nga Rusia. Por kur trupat ruse u futën në tokën ukrainase, ai u dënua nga gjykata popullore. Bazuar mbi këto fakte, është qëlluar nga patriotë të panjohur, si tradhtar i ligjeve në kohë lufte", shkroi ai.