POP 5

Lajmet më të lexuara të 5 minutave të fundit

Kosova & Rajoni

Një vit nga sulmi në Banjskë, Ministria e Jashtme e Shqipërisë: Drejtësia duhet të vihet në vend pa vonesa dhe justifikime

Në një deklaratë Ministria për Evropën dhe Punët e Jashtme e Shqipërisë nënvizon se drejtësia duhet të vihet në vend pa vonesa dhe justifikime. "Llogaridhënia është element kyç për parandalimin e përshkallëzimeve dhe konsolidimin e paqes në të gjithë rajonin” thuhet në deklaratë. 

Një vit nga sulmi në Banjskë, Ministria e Jashtme e Shqipërisë: Drejtësia duhet të vihet në vend pa vonesa dhe justifikime

Foto arkive

Kosova kujton sot një vjetorin kur një grup serbësh të armatosur vranë oficerin e policisë, Afrim Bunjaku. Në një deklaratë Ministria për Evropën dhe Punët e Jashtme e Shqipërisë nënvizon se drejtësia duhet të vihet në vend pa vonesa dhe justifikime.

“Duke kujtuar me nderim, sakrificën e Afrim Bunjakut, Shqipëria mbështet Kosovën në përpjekjet dhe arritjet e saj, për vendosjen e sundimit të ligjit në të gjithë territorin e vendit. Është e papranueshme që autorët përgjegjës të këtij krimi mbeten ende të lirë”, thekson MEPJ në një deklaratë publikura në rrjetet sociale.

MEPJ shprehet se “Shqipëria mirëpret vendimin e Prokurorisë së Kosovës, për të ngritur aktakuzë kundër të dyshuarve për organizim dhe kryerje të këtij sulmi brutal. Llogaridhënia është element kyç për parandalimin e përshkallëzimeve dhe konsolidimin e paqes në të gjithë rajonin”.

Më 24 shtator 2023, një grup serbësh të armatosur sulmuan Policinë e Kosovës në fshatin e Zveçanit, duke vrarë rreshterin Afrim Bunjaku.

Prokuroria Speciale e Kosovës, më 11 shtator ka ngritur aktakuzë ndaj 45 personave që morën pjesë në sulmin e Banjskës, në grupin e udhëhequr nga Millan Radoiçiç e nesër pritet të jetë seanca e parë gjyqësore. 

Ministri i Brendshëm i Kosovës, Xhelal Sveçla, tha dje se bazuar në ligj “terroristët mund të gjykohen në mungesë”.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Zyrtare/ U largua nga Egnatia, Frederik Veseli rikthehet në Itali

Zyrtare/ U largua nga Egnatia, Frederik Veseli rikthehet në Itali

5 Janar, 16:48