POP 5

Lajmet më të lexuara të 5 minutave të fundit

'Njeriu dhe natyra'/ Piktori Shpëtim Hoxha çel ekspozitën në Fier

Piktori Shpëtim Hoxha prezanton në galerinë “Vilson Kilica” ekspozitën “Komunikim Arketipal”. Ai ka përzgjedhur për vizitorët fierak punët e tij më të mira, duke i vendosur në një rend kronologjik, që fillon me komunikimin, e përfundon me kaosin. Vëmendje të madhe në tablotë e tij, piktori fierak i ka dhënë identitetit komunikimit dhe të njeriut me natyrën.

"Këtë ekspozitë ia kam dedikuar punës që kam bërë në Universitetit. Titullohet Komunikim Arketipal. Sepse në kozmos, sipërfaqja e zezë e qiellit ishte arketipi i parë ku njeriu krijoi simbolet edhe komunikimet e tij. Këto arketipe i përdorim për t’i dhënë një lloj shpërblimi racional fenemoneve natyrore. Jam munduar që të jap një sens logjik, duke nisur nga komunikimi e duke përfunduar tek kaosi” tha ai.

Piktori për veprat e tij, ku ndërthur ngjyrat, teknikën dhe dimensionet, është vlerësuar me çmime edhe jashtë vendit, si në Vatikan edhe Itali.  “Ky lloj arti është një lloj arti që e kam konsideruar një lloj shkëndije në lidhje me ndërgjegjen e njeriut. Forma materiale, piktura e arketipit. Arpetipi komunikon gjithmonë me psikikën. Është e pamundur, që me punë të tilla, mos të kesh një lloj vlerësimi. Është vlerësuar më shumë vepra krijuese e artistit. Duke u gërshetuar në mënyrë harmonike me njëra-tjetrën” tha piktori Shpëtim Hoxha. Ai punët e tij i ka prezantuar edhe në ekspozita kolektive, si në SHBA, Francë, Itali dhe Spanjë.

d.ba./al.sp./Shqiptarja.com
Komento