POP 5

Lajmet më të lexuara të 5 minutave të fundit

Kultura

Njësoj si 573 vjet më parë! Dasma e Skënderbeut me Donikën inskenohet në manastirin e Ardenicës

Në manastirin e Ardenicës me qindra qytetarë lushnjarë, përkujtuan ceremoninë e martesës së Heroit Kombëtar Gjergj Kastrioti Skënderbeu me Donikën, sic ndodhi 573 vite më parë. Duke krijuar një atmosferë feste, veshur me kostumet e zonës, pjesëmarrësit kënduan e kërcyen

Fëmijë, gra e burra nga të gjitha grupmoshat u bënë bashkë për të përkujtuar kurorëzimin e martesës së heroit tonë kombëtar Gjergj Kastriot Skëndërbeut me Donikën, ashtu si ndodhi në Manastirin e Ardenicës, 573 vite më parë.

Çdo 26 prill tashmë qytetarët lushnjarë festojnë me këngë e valle të veshur me kostume tradicionale të zonës, ku nuk mungojnë edhe prodhimet ushqimore nga bizneset e trevës.

Ansambli i qendrës kulturore Vaçe Zela improvizoi po ashtu ardhjen e Skënderbeut dhe Donikës në Manastirin e Ardenicës.

Kryebashkiakja e Lushnjes Eriselda Sefa tha se kjo datë vijon të ruaj traditën, por  është një mundësi e mirë për promovimin turistik të zonës.

“Jo vetëm për ta kujtuar këtë ditë, por duke organizuar festa të tilla ne arrijmë të përçojmë tek brezat e rinj historinë aq të lavdishme që ka bërë heroi jonë kombëtarë Gjergj Kastrioti”. Këtë traditë do ta vazhdojmë akoma edhe në vitet në vijim, sepse duam që jo vetëm të kujtojmë këto data, por të promovojmë këtë zonë turistike, një nga zonat më të frekuentuara të turistëve në zonën e e Bashkisë Lushnje, por të promovojë edhe kulturën tonë lokale, bizneset dhe kulinarinë lokale”, tha kryebashkiakja Sefa.

 

G.M./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Përse Wisconsin është thelbësor në garën presidenciale të vitit 2024?

Përse Wisconsin është thelbësor në garën presidenciale të vitit 2024?

4 Nëntor, 18:47