POP 5

Lajmet më të lexuara të 5 minutave të fundit

Drejt Punës

Njihuni me Ajnshtajnin e Shqipërisë...ngjashmëria e frikshme në portret dhe dhunti (VIDEO)

Agim Hyseni, 71-vjeçari nga Vlora jetën e tij ja ka kushtuar punimit të hekurit në mënyrë artizanale. Ai thotë se është pasioni që dhe talenti e bëjnë që të mos heq dorë nga ky zanat, të cilin nuk do të reshtë së praktikuari deri në fund të jetës së tij. Përpos funksionalitetit, punimet e tij përdoren edhe për qëllime dekorative.

VLORE - I ngjan krejtësisht, jo vetëm në portret, por edhe në dhunti. E cilësojnë Ajnshtanin e Shqipërisë, dhe jo më kot. Nuk është fizikan dhe matematicien si Albert Einstein i famshëm gjerman, por në Vlorë, të gjithë e cilësojnë mjeshtrin e hekurit.

Agim Hyseni, 71 vjeç, ja ka dedikuar të gjithë jetën e tij shpikjeve artizanale prej hekuri. Plot 55 vite brenda katër mureve të punishtes së tij, që duket se nuk ka ndërmend ta braktisë deri në fund të jetës.

Por, nuk dëshiron të mbyllë sytë përgjithmonë, nëse më parë nuk realizon, atë që e quan ëndrrën e jetës: Ndërtimin e anijes Titanik.

"Kam 55-56 vjet punë në këtë vend pune. Çfarë është hekur unë e bëj. Unë sa të kalojnë ca ditë pasi kam ca gjëra për montim do të bëj Titanikun 2 metër e gjysmë të gjatë me gjithë helika", thotë ai.

Krijimet e tij janë të rralla dhe të veçanta. Megjithatë, fitimet që merr prej tyre, nuk janë të mëdha. Shpresën për të jetuar ja jep vetëm pasioni, dhe jo vlera monetare.

"Po nuk pate pasion nuk e bën atë gjë që mendon. Pasioni është gjëja më e madhe. Unë kam më shumë pasion sesa interesin financiar. Këtë ja kam vënë edhe djalit në gjak. Punën e bëj me cilësi, tek puna nuk neglizhoj. Unë përfitoj vetëm pasionin lënien e emrit në qytetin tim të lindjes. Këtu kanë blerë edhe turistë nga Zvicra edhe nga Anglia. Ju pëlqenin se janë gjëra të veçanta dhe funksionale. I marrin edhe për nipër e mbesa pasi ju vendos edhe emrin unë tek punimi", tregon Agimi.

Në gjurmët e profesionit të tij ka ecur edhe djali. Të dy, babë e bir, me pasionin e vaçantë për punimet artizanale, kanë krijuar që nga ushtarët Spartanë deri tek mbajtëset e verës, violinat, ndriçues, objekte dekorative dhe jo vetëm. 

Albert Einstein

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21