POP 5

Lajmet më të lexuara të 5 minutave të fundit

Kosova & Rajoni

'Njohja e Kosovës nga Izraeli mesazh për Serbinë', Tahiri: Ja çfarë donte t'i thoshte Trump Vuçiçit

Ish-kryenegociatorja e bisedimeve Kosovë -Serbi, Edita Tahiri ka folur për marrëveshjen Kosovë-Serbi me ndërmjetësimin e SHBA-së. 

Ish-kryenegociatorja e bisedimeve Kosovë -Serbi, Edita Tahiri e ftuar në emisionin "5 pyetjet" nga Babaramo në Report Tv, ka deklaruar se marrëveshja e firmosur nën ndërmjetësimin e SHBA-së ishte në dobi edhe të Kosovës.

Tahiri tha gjithashtu se njohja e Kosovës nga Izraeli ishte edhe një mesazh për Serbinë, se nuk ka mundësi tjetër përveç se t'a njohë edhe ajo.

Sipas saj, Ujmani nuk duhej përmendur në marrëveshje fare, por e kupton se delegacioni i Kosovës mund të ketë qenë nën presion.

"Marrëveshja që ndodhi me ndërmjetësimin e SHBA-së dhe Donald Trump ishte edhe në dobi të Kosovës. Pasi unë e kam parë në dy kontekste.  Edhe njëherë në SHBA u mbyll çështja e prekjes së kufijve. Ky takim dhe kjo marrëveshje rikonfirmoi qëndrimin e SHBA për këtë çështje.

E dyta kjo solli një njohje të madhe për Kosovën, si njohjen nga Izraeli dhe hapjen e ambasadës në Izrael. Normalizimi ekonomik i dy vendeve ka anët e mira dhe të këqija, por aleati ynë kryesor është SHBA.

Anët e mira është se marrëveshja mes dy shteteve, është e barabartë. Nuk ka ndonjë asimetri.

Marrëveshja adreson çështje të rëndësishme infrastrukturore. Por, nuk është dashur që të përmendet Ujmani. Kur kam qenë 7 vjet në bisedime me Serbinë ka pasur shumë përpjekje për Ujmanin dhe minierën e Trepçës, por unë nuk i kam lejuar.

E kuptoj që pala e Kosovës ka qenë nën presion, por duhet biseduar me Hotin që ka qenë në delegacion.

Unë kam qenë kundër "Mini- Shengenit" dhe vazhdoj kundër, por kemi mbështetjen e SHBA- së, kemi të bëjmë me aleancat amerikane.

Unë e pashë njohjen nga Izraeli si një veprim shumë domethënës, që i tha Serbisë dhe Vuçiçit që meqë ju se pranoni, ja e pranon një shtet si Izraeli. Mendoj se ishte mesazh për Serbinë se nuk ka rrugë tjetër, përveç se njohjen e Kosovës", deklaroi Tahiri.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Gati kallëzimi i ri për Sali Berishën në SPAK, avokati Beqiri: Falsifikoi datën e lindjes

Gati kallëzimi i ri për Sali Berishën në SPAK, avokati Beqiri: Falsifikoi datën e lindjes

26 Dhjetor, 19:39