POP 5

Lajmet më të lexuara të 5 minutave të fundit

Bota

Nju Jorku rikthen festën e Vitit të Ri, vitin e kaluar u anulua për shkak të COVID

Njerëzit do të lejohen të marrin pjesë në festimet e sivjetme të Vitit të Ri në sheshin “Times Square” të Nju Jorkut, konfirmoi kryebashkiaku i qytetit, Bill de Blasio. Festa është anuluar vitin e kaluar për shkak të pandemisë COVID-19.

Nju Jorku rikthen festën e Vitit të Ri, vitin e kaluar u anulua për shkak të COVID

Një festë e mëparshme në Nju York

SHBA-Njerëzit do të lejohen të marrin pjesë në festimet e sivjetme të Vitit të Ri në sheshin “Times Square” të Nju Jorkut, konfirmoi kryebashkiaku i qytetit, Bill de Blasio. Festa është anuluar vitin e kaluar për shkak të pandemisë COVID-19.

Njerëzit që duan të shohin rënien e topit këtë vit, do të duhet të tregojnë dëshmi të vaksinimit të plotë ose test negativ kundër sëmundjes COVID-19. Rënia e topit simbolizon fillimin e Vitit të Ri.

“Më në fund mund të bashkohemi sërish. Do të jetë e mahnitshme, do të jetë një gëzim për këtë qytet”, tha kryebashkiaku de Blasio.

Njerëzit e kanë festuar natën e Vitit të Ri në “Times Square” qysh në vitin 1904. Por, vitin e kaluar, festimet janë anuluar, pasi Qendrat për Kontrollin dhe Parandalimin e Sëmundjeve u kanë bërë thirrje njerëzve që t’i shmangin tubimet.

De Blasio tha se ka punuar me Departamentin e Shëndetësisë dhe Departamentin e Policisë së Nju Jorkut që festa të kalojë mirë. SHBA-ja ka regjistruar numrin më të madh të rasteve me COVID-19 në botë.

Sipas shifrave të Universitetit Johns Hopkins, ky vend ka konfirmuar mbi 47 milionë raste të të infektuarve dhe mbi 765,000 viktima./ REL

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03