Nju York, vret të dashurën dhe poston fotografinë në Instagram

"Më fal Bianca" ky është postimi në Instagram që shoqëron fotografinë e kokës pothuajse të prerë të adoleshentes Bianca Devines.

Autori i postimit është vrasësi 17-vjeçar Brandon Clark.

Dy të rinjtë ishin njohur në mediat sociale dhe vrasja ka ndodhur pas një koncerti ku kishin marrë pjesë së bashku.

Imazhet e gjymtimit të adoleshentes u përhapën me shpejtësi dhe u deshën të paktën 12 orë para se të hiqeshin nga Instagrami, duke ngritur kundërthënie dhe pyetje rreth aftësisë për të monitoruar dhe ndërhyrë menjëherë në rrjetet sociale.

E diplomuar në muajin qershor, në pritje për të vazhduar studimet në kolegj, me 35 000 ndjekës në Instagram, Bianca ishte një “artiste e lindur”.

Adoleshentja u gjet e therur të dielën në Utica, qyteti ku jetonte, 400 km në veri të Nju Jorkut. Pranë saj, policia gjeti djalin vrasës, i cili u përpoq të vriste veten kur policët arritën te ai.

I plagosur rëndë, ai u transferua në një spital në gjendje kritike.

I riu akuzohet si përgjegjës për vrasjen e shkallës së dytë.

Para se të arrestohej nga agjentët e policisë, Clark kishte postuar në Snapchat, disa fotografi të adoleshentes së gjakosur, e mbështjellë me një pëlhurë të gjelbër. Imazhe të tjera të trupit të vajzës Clark i kishte hedhur në Instagram dhe gjithashtu në Discord, një platformë bisede.

TAG:
• Brandon Clark
• Bianca Devines
• Utica