Nora Istrefi: Nuk jam shtatëzanë, por
edhe sikur të isha nuk e bëj publike

Nora është shtatëzanë! Kjo ka qenë kryefjala e lajmeve rozë, por ajo çka vetë Nora ka konfirmuar ka qenë befasuese. Këngëtarja e cila prej javësh ndodhet në Tiranë së bashku me bashkëshortin e saj, ka befasuar javë pas jave më perfomancat në spektaklin “Dance With Me”.

E kontaktuar nga gazeta, Nora ka rrëfyer se nuk ëhstë shtatëzanë, por edhe nësë do të ishte nuk do ta bënte publike. “Nuk jam shtatëzanë, por edhe po të isha nuk do të thoja sepse është personale”, ka shprehur Nora.

Edhe pse Nora nuk e ka pranuar lajmin se është shtatëzanë, thuhet se të afërmit e çiftit Istrefi-Berisha janë në dijeni. Ndërkohë, këngëtarja është e angazhuar aktualisht me spektaklin e kërcimit “Dance With Me”, koha mbetet të zbuloj të vërtetën.

Kujtojmë se, mbrëmjen e 2 shtatorit këngëtarja Nora Istrefi kurorëzoi lidhjen e saj shumë vjeçare të dashurisë në martesë me muzikantin Robert Berisha. Nora është shfaqur e mrekullueshme me fustanin e bardhë në çdo detaj ndërkohë që ka shkëlqyer në krah të bashkëshortit të saj Robertit. 



Shkrimi u botua në numrin e sotëm (25 tetor 2014) të gazetës "Shqiptarja.com", versioni print 

Redaksia Online
(xh.k/shqiptarja.com)