Moti i keq/ Vijon situata problematike në Shkodër, 15 banesa nën ujë, 1320 ha tokë e përmbytur! Përmirësohet Lezha

Situata nga moti i keq në Shkodër vijon të jetë problematike. Pavarësisht se ka patur një ulje me 80 hektarë tokë të përmbytur, ende janë 1320 hektarë nën ujë.15 banesa të fshatit Obot janë ende nën ujë.

Ujësjellësi Oblika 1 është jashtë funksionit.

Ne NJAD Temal dhe Shllak mungon energjia elektrike.

Situata në akse rrugore:

Aksi H.Hotit-Tamare pa probleme. Qarkullimi kryhet normal pa zinxhirë.

Aksi Tamere-Vermosh ka dëmtim te shtresave te dërrasave në urën e fshatit Bashkim ne Vermosh.

Aksi është i hapur ne te dy koristë dhe është kriposur.

Aksi Boge-Theth është i pastruar segmenti Boge-Qafe Thore dhe po punohet për pastrimin e bores së ortekëve për te hapur të gjithë aksin.

Në qarkun e Korçës ka patur reshje shiu dje pasdite dhe kryesisht natën dhe në lartësitë mbi 1300 m ka rënë dëborë, por pa krijuar problematika.

Kontraktorët kanë monitoruar akset kryesore nacionale dhe ato turistike duke kriposur e mirëmbajtur. Për rrjedhojë ato kanë qenë plotësisht të kalueshme dhe pa probleme.

Edhe rrugët dytësore dhe ato lidhëse në bashki janë të kalueshme dhe pa problematika, sipas informacionit të marrë nga strukturat e EC të bashkive.

Edhe segmenti Shtyllë-Panarit vazhdon të jetë e hapur.

Për drejtuesit e automjeteve, përsëri rekomandohet përdorimi i pajisjeve dimërore në segmentin Boboshticë-Dardhë.

Reshjet kanë qenë me intensitet të ulët për rrjedhojë niveli i lumenjve dhe i degëve të tyre furnizuese, mbetet në kuota normale. Nuk kemi ndonjë problem të raportuar në furnizimin me energji elektrike.