'Nuk arrite ta përcjellësh djalin në klasën e parë', gruaja e kryetarit të PDK-së, Astrit Ademajt prek me fjalët pas vrasjes së bashkëshortit

Pas vrasjes së kandidatit të Partisë Demokratike të Kosovës për Pejën, Astrit Ademaj, ka reaguar edhe bashkëshortja e tij.

Me një postim të ndjerë në rrjetet sociale, Valbona Bahtiri-Ademaj, shkruan se me Astritin ka kaluar 17 vite martesë, ndërkohë që thotë se ai nuk arriti që ta përcjellë djalin në klasë të parë. Ajo shkruan më tej se besimi i tij që kishte ndaj saj e bën më të fortë që të vazhdoj ti rrisë fëmijët siç ai deshi.

'17 vite i kaluam së bashku me të mira e më vështirësi, por çdo gjë ishte e lehtë kur kishim afër njëri tjetrin, tejkaluam shumëçka bashkë, po sot më le përgjithmonë Astrit, mu Aelen e Buronin që nuk arrite ta përcjellësh në klasën e parë. Besimi yt që kishe ndaj meje më bën më të fortë që të vazhdoj ti rris fëmijët tanë ashtu qysh ti deshe. Lamtumirë”, ka shkruar ajo.

Lajmi kryesor:

2 politikanët e PDK në Pejë vrasin njëri-tjetrin, zëdhënësi i Prokurorisë: Herët për të folur për prapavijë politike, nuk përjashtojmë asnjë pistë

M.Q./Shqiptarja.com

TAG:
• vrasje
• kosove
• peje
• astrit ademaj
• Blerand Kadrijaj
• Shkodran Nikçi