TIRANË- Klubi ‘KF Tirana’ dhe Presidenti Refik Halili kanë përfunduar në gjyq nën akuzën për fshehje të ardhurash. Prokuroria e Tiranës njoftoi sot, 1 gusht 2024, se ka dërguar për gjykim dosjen në ngarkim të Halilit dhe klubit Tirana pasi gjatë hetimeve për një procedim penal të vitit 2017 rezultoi se klubi Tirana ka fshehur rreth 52 mln lekë të ardhura përgjate dy sezoneve futbollistike. Do jetë një gjyqtar paraprak që do të vlerësojë nëse do të nisë gjykimi apo jo për dosjen e dërguar nga Prokuroria e Tiranës.
Sipas organit të akuzës, klubi i Tiranës ka fshehur të ardhurat përgjatë viteve 2014, 2015, 2016. ‘Futboll Klub Tirana’ ka pasur të federuar pranë Federatës Shqiptare të Futbollit 29 lojtarë për sezonin futbollistik 2014-2015 dhe 26 lojtarë për sezonin 2015-2016. Por, në këto dy vite asnjë nga lojtarët e federuar nga FSHF për "Klubi i Futbollit Tirana" nuk u deklaruan në listëpagesat e sigurimeve shoqërore dhe shëndetësore të subjektit.
Prokuroria thotë se subjekti “Klubi i Futbollit Tirana” sh.a dhe administratori Refik Halili kanë fshehur të ardhurat në vlerën totale prej 51.975.745 lekësh, duke bërë të mundur shmangien e Tatimit mbi Fitimin dhe Sigurimet shoqërore dhe Shëndetësore.
Nga hetimet rezultoi se Refik Halili, ka konsumuar veprën penale të “Fshehjes së të Ardhurave” duke mos kryer deklarimet dhe duke bërë deklarime të pavërteta apo informacione joreale në organet tatimore, vlerësimi i të cilave çon në përllogaritje të pasaktë të shumës së tatimit, taksës apo kontributit dhe për këtë arsye rezulton se ky subjekt të ketë fshehur tatimin e TVSH që ka arkëtuar nga dhe të tatim fitimit përkatës që duhet të deklaronte dhe mbi të cilin do të llogaritej tatimi mbi fitimin.
Ndërsa subjekti “Klubi i Futbollit Tirana” sh.a ka konsumuar gjatë aktivitetit të tij elementë të veprës penale ‘Fshehje e të Ardhurave’, ku vlera e fshehjes reale pa penalitete është 51.975.745 lekë.
Njoftimi i Prokurorisë së Tiranës
Foto: Refik Halili
Tirane- Zbardhen detaje nga dosja e Klubi ‘KF Tirana’ dhe Presidenti Refik Halili që prokuroria e Tiranës njoftoi se ka dërguar për gjykim. I takon gjyqtarit të hetimit paraprak të vendosë nëse dosja kalon apo jo për gjykim.Sipas dosjes rezultoi se klubi Tirana ka fshehur rreth 52 mln lekë të ardhura dhe nuk ka paguar sigurimet për lojtarët.
“E gjithë shuma duke mbledhur taksat, energjinë elektrike, ujësjellësi, pagesat e futbollisteve, gjyqet e humbura, me përafërsi borxhi në total është në vlerën e konsiderueshme 4.2 milion euro.
Për këtë shumë që ka deklaruar disponon vendimet e gjykatës si dhe shkresat e përmbaruesve të cilën kur është emëruar administrator në vitin 2015 kanë qenë të bllokuara.
Nga rezultatet e nxjerra nga Raport Kontrolli i kryer nga Drejtoria Rajonale Tiranë i mbajtur më datë 08.06.2018 si dhe nga Akt Ekspertimi kontabël ka rezultuar që për periudhën 2013-2016 vlera e fshehjes e të ardhurave të tatim fitimit është 22.494.101 lekë,
Refik Halili është përgjigjur se Klubin e Futbolli Tirana e ka marrë në administrim në Maj 2015, dhe për vitet e mëparshme mbajnë përgjegjësi personat që kanë qënë më parë administrator nga bashkia Tiranë.
Nga Federata Shqiptare e Futbollit ka rezultuar se për sezonin fubollistik 2014-2015 janë federuar 29 futbollistë dhe për sezonin 2015-2016 janë federuar 26 futbollistë.
Nga konkluzioni i akt ekspertimit rezulton që mos të jetë deklaruar asnjë fubollist në organin tatimor, ku për periudhën 2014-2016 vlera totale e detyrimeve për kontributet e sigurimeve shoqërore dhe shëndetësore rezulton vlerën 29.481.644 lekë.
Komente
Lajme të tjera
-
Vrojtimi i Bankës së Shqipërisë: Turizmi mban në ‘këmbë’ besimin në ekonomi! Ngec sektori i ndërtimit, më pak porosi për apartamente
1 Nëntor, 15:43
-
Transformohet një bllok banimi në Njësinë 3, Veliaj: Premtim i mbajtur, rritet vlera e pronës për banorët e zonës
1 Nëntor, 15:35 -
Gazetari Elton Qyno paraqitet në SPAK, i kthejnë telefonin e të birit
1 Nëntor, 15:18 -
Censi 2023/ 60 mijë familje në Tiranë pa shtëpi por 85 mijë banesa janë bosh
1 Nëntor, 15:15
-
Progres-Raporti i BE/ Ina Zhupa: Situata e lirisë së medias është përkeqësuar, propozimet tona janë rrëzuar nga mazhoranca! Të mos injorohen rekomandimet
1 Nëntor, 13:47 -
Tiranë/ Goditet banda e vjedhjes së makinave në Yzberisht! 3 të arrestuar, një në kërkim e një tjetër nën hetim! Kamera e sigurisë i tradhtoi (VIDEO+EMRA)
1 Nëntor, 12:05 -
Dritan Hila: Mësimi që na dha Fred Beleri!
1 Nëntor, 11:58
-
Censi 2023/ Tirana ka 598,176 banorë, rritet ndjeshëm popullsia në bashkitë me minoritet grek
1 Nëntor, 10:18 -
Pasi mbylli seancën e pyetjeve në SPAK, deputetja Elda Hoti i ‘justifikohet’ kreut të grupit Gazment Bardhi dhe e qetëson
31 Tetor, 19:02 -
Në Tiranë konferenca vjetore e 'Woman on bord': Gratë në vendimmarrje kyçe për të ardhmen
31 Tetor, 18:56 -
Kaluan afatet e paraburgimit, GJKKO 'liron' Ndernjakun dhe Pjetrin, jep 'arrest shtëpie'! Por qëndrojnë në burg si të dënuar për atentatin ndaj prokurorit Ndoja
31 Tetor, 18:35 -
Hektor Mushi nuk justifikoi dot pasurinë, KPA e Vettingut lë në fuqi shkarkimin e prokurorit të Elbasanit! Detajet e dosjes (VENDIMI)
31 Tetor, 16:50
Ca more banet aaa? Edhe Fiku me ìcato pun???
Përgjigju