Nuk është kurrë vonë për martesë 
 Mamaja e Beyonce-s drejt altarit

Nuk është kurrë vonë për t’u martuar! Këtë e provon më së miri dhe mamaja e yllit botëror të muzikës pop, Beyonce Knowles, e cila ka shkuar drejt altarit me aktorin Richard Lawson, në moshën 61-vjecare.

“Nuk mund të ishte më perfekte se aq”,- u shpreh Tina Knowles në një intervistë ekskluzive për revistën amerikane “People”. E në fakt s’kishte si të ndodhte ndryshe. Ceremonia magjike u zhvillua në bordin e një jahti në plazhin Newport në Kaliforni dhe rrethi i ngushtë i të ftuarve ndoqi një kod veshjeje shumë strikt, sipas të cilit të gjithë duhet të visheshin me të bardha.

Në imazhet e publikuara, gjyshja e një vajze 3 vjec dhe e një djali 10 vjec, dukej ‘hyjnore’ në praninë e shoqërueseve të nuses, mes të cilave qëndronin dy vajzat: Beyonce dhe Solange dhe këngëtarja Kelly Rowlands, me të cilën familja Knowles ka marrëdhënie të hershme.

Tina dhe Richard 68 vjec, njihen prej 30 vitesh, por e konsideruan një marrëdhënie mes tyre rreth 1 viti e gjysmë më parë. “Brenda 4 muajve,-u shpreh ajo,- e dija që ai ishte personi me të cilin duhet të kaloja jetën.” Nusja e re finalizoi divorcin nga ish-bashkëshorti i saj Matthew Knowles në 2011. 




Redaksia Online
(m.p/shqiptarja.com)