POP 5

Lajmet më të lexuara të 5 minutave të fundit

Politikë

‘Nuk kemi fare informacion’, debate te Rithemelimi për Federatën Opozitare, Baçi-Bardhit dhe Nokës: Na tregoni a do jenë aleatët në listat për deputetë

Pavarësisht marrëveshjes së firmosur mes 11 partive opozitare dhe Rithemelimit për krijimin e një ‘Federate opozitare’ për t’u përballur me kryeministrin Edi Rama, duket se ka deputetë anëtarë në grupin e Sali Berishës që ende nuk e dinë për çfarë ‘bashkëpunimi’ bëhet fjalë. Mes të tjerash, Mediu i cili ka marrë pjesë në mbledhje ka bërë thirrje që të ketë një grup koordinimi të opozitës me deputetë që të dalin në bazë dhe të informojnë ndërkombëtarët për çdo qëndrim.

‘Nuk kemi fare informacion’, debate te Rithemelimi për Federatën Opozitare, Baçi-Bardhit dhe Nokës: Na tregoni a do jenë aleatët në listat për deputetë

Pavarësisht marrëveshjes së firmosur mes 11 partive opozitare dhe Rithemelimit për krijimin e një ‘Federate opozitare’ për t’u përballur me kryeministrin Edi Rama, duket se ka deputetë anëtarë në grupin e Sali Berishës që ende nuk e dinë për çfarë ‘bashkëpunimi’ bëhet fjalë.

Gjatë mbledhjes së zhvilluar ditën e djeshme në grupin parlamentar të PD-së së Rithemelimit, deputeti Luan Baçi i ka kërkuar deputetëve Gazment Bardhi dhe Flamur Nokës që të informojnë për Federatën e Opozitës, konkretisht nëse bëhet fjalë për bashkim të listave të deputetëve në zgjedhjet e ardhshme.

“Pse nuk na informoni për Federatën e Opozitës. Dhe tjetra, a do te jene aleatet neper listat tona? Nuk kemi asnjë informacion”- mësohet të ketë thënë Baçi.

Nga ana tjetër, Bardhi i është përgjigjur duke thënë se nuk bëhet fjalë për koalicion elektoral por nuk e përjashtoi mundësinë për një formacion të tillë në zgjedhjet e ardhshme parlamentare.

“Federata është një projekt politik opozitar, nuk është koalicion elektoral. Ai mund te jete nesër një koalicion elektoral, por ende nuk jemi ne atë faze”- është përgjigjur Bardhi.

Nga ana tjetër, kreu i PR, Fatmir Mediu i cili ka marrë pjesë në mbledhje ka bërë thirrje që të ketë një grup koordinimi të opozitës me deputetë që të dalin në bazë dhe të informojnë ndërkombëtarët për çdo qëndrim.

Ndërsa më tej gjatë mbledhjes ka pasur edhe debate mbi idetë e deputetëve lidhur me aksionin e mëtejshëm, për të cilin Edmond Spaho është shprehur kundër ngujimit dhe grevës së urisë, sepse sipas tij, një gjë e tillë do i kthente në ‘qesharakë’.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Besi: 23/02/2024 07:36

    projekt politik me qepe e domate. Le ta shohim me mire si byrek se ndonje qepe te njome prapa per ato qe flututojne si gomari i ngazellyer nga fama e kaloresit

    Përgjigju
  • Balo Bënça: 22/02/2024 23:11

    O Luan Nuk të bën më Saliu deputet o çam Delvine! Mos na dil pastaj nëpër media të na hash munë me " Non gratën"....

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Presidenti Bajram Begaj uron Krishtlindjet nga Mitropolia e Beratit: Ditë e shenjtë që simbolizon paqen, të reflektojmë për vlerat e njerëzimit dhe dashurinë!

Presidenti Bajram Begaj uron Krishtlindjet nga Mitropolia e Beratit: Ditë e shenjtë që simbolizon paqen, të reflektojmë për vlerat e njerëzimit dhe dashurinë!

25 Dhjetor, 15:38