“Nuk kërkojmë rinumërim”, Haradinaj tregon qëndrimin ndaj Albin Kurtit dhe Josep Borrell (VIDEO)

Ish-kryeministri Ramush Haradinaj ka deklaruar se subjekti i tij politik nuk do të kërkojë rinumërim të zgjedhjeve dhe se do të respektojë vendimin e qytetarëve.

“Në votat e numëruara kemi mbi 90 mijë vota, që janë 11, 5%. Ndërsa, sapo të përmbyllet numërimi i votave të rregullta mbesin edhe ato të diasporës edhe të atyre me kusht. Ka shumë vota me kusht në Prishtinë, Gjakovë dhe Mitrovicë. Nga trendi që shihet që ne jemi afër 100 mijë vota. Që është numër i madh dhe besim i qytetarëve. Krahasuar me zgjedhjet e kaluara është një rritje e ndjeshme. Rreth 35% rritje. I falënderojmë të gjithë për votat e dhëna. AAK në këtë rast koalicioni ynë pranon rezultatin, nuk kërkojmë rinumërim apo nuk e kontestojmë votat, as nuk kërkojmë përmbysje të rezultatit. Ne e respektojmë qytetari nuk na ka jep të drejtën për formimin e Qeverisë, ia ka jep partive tjera, dhe ne i urojmë. Ne do ta përkrahim ata në këto tema që i kemi listuar, po nuk do të ketë kompromis”, tha ai në një konferencë për mediat.

Në rast të ndonjë ftese nga Lëvizja Vetëvendosje Haradinaj tha se të gjithë e dinë se çka mendon ai për Albin Kurtin.

“Për fat të keq nuk është ajo që është premtuar, është lloj mashtrimi. Shpresoj të jem gabim. Ne nuk kemi pozicion për individ, por kemi pozicion për tema”, tha Haradinaj.

TAG:
• kosove
• Albin Kurti
• Ramush Haradinaj
• AAK