Përdorimi i internetit nga rrjetet celulare ka arritur një vlerë rekord në tremujorin e tretë të vitit.
Të dhënat e Autoritetit të Komunikimeve Elektronike dhe Postare (AKEP) tregojnë se trafiku total i të dhënave arriti në 45.6 milionë GB (Gigabyte), në rritje me 96% krahasuar me të njëjtën periudhë të një një viti më parë. Rritja ka përmasa të mëdha edhe e matur si trafik mesatar për përdorues.
Gjatë tremujorit të dytë të këtij viti, çdo përdorues shpenzoi 6.94 GB internet në muaj, me një rritje prej 74.9% krahasuar me të njëjtën periudhë të një viti më parë. Sipas AKEP, për tremujorin e tretë numëroheshin 2.19 milionë përdorues të internetit me brez të gjerë nga rrjetet celulare, numri më i lartë i regjistruar ndonjëherë në Shqipëri. Krahasuar me një vit më parë, numri i përdoruesve është rritur me 12%.
Potencialet e shërbimit të internetit nga rrjetet celulare pritet të rriten edhe më shumë me kalimin në gjeneratën e radhës teknologjike, 5G. Rrjetet 5G mund të ofrojnë shpejtësi maksimale interneti që tejkalojnë kufirin e 10 Gbps ose 10 herë më të larta krahasuar me versionet më të avancuara të teknologjisë 4G. AKEP pritet që të shpallë tenderin për dhënien në përdorim të frekuencave të para për këtë teknologji në mesin e vitit të ardhshëm.
Rritja e lartë e përdorimit të internetit gjatë tremujorit të tretë, përveç rritjes së vazhdueshme organike të tregut, mund të shpjegohet edhe me sezonin më pozitiv turistik krahasuar me vitin e kaluar, kur efekti i pandemisë dhe masave kufizuese ishte shumë më i lartë. Efekti i turizmit gjatë tremujorit të tretë duket edhe në tregues të tjerë statistikorë të tregut të komunikimeve celulare, duke filluar nga numri i përdoruesve aktivë të telefonisë celulare.
Për tremujorin e tretë, përdoruesit aktivë u rritën në 2.66 milionë, në rritje me 9% krahasuar me të njëjtën periudhë të vitit të kaluar. Vitin e kaluar, përdoruesit e përkohshëm të telefonisë celulare, si për shembull emigrantët apo turistët pësoi rënie të fortë, për shkak të paralizimit të udhëtimeve. Këtë vit riaktivizimi i lëvizjes duket se ka ndikuar edhe në shtimin e numrit të përdoruesve.
Operatori që raporton rritjen më të lartë në numrin e përdoruesve aktivë është One Telecommunications, me 31.5%, i ndjekur nga Albtelecom me 4.3%, ndërsa operatori më i madh, Vodafone Albania paraqitet në rënie me 5% krahasuar me një vit më parë.
Zgjerimi i bazës së përdoruesve ka sjellë edhe një rritje të ndjeshme të trafikut të thirrjeve nga rrjetet celulare. Krahasuar me një vit më parë, ky trafik është rritur me 7.9%. Për tremujorin e tretë çdo përdorues ka kryer mesatarisht 185 minuta thirrje në muaj nga telefoni i tij celular, në rënie të lehtë me 1% krahasuar me të njëjtën periudhë të vitit të kaluar. Përdorimi mesatar ka pësuar rënie sepse numri i përdoruesve është rritur me ritme më të larta në raport me trafikun total të thirrjeve.
Megjithatë, një faktor që po ndikon gjithnjë e më shumë trafikun e thirrjeve direkte nga rrjetet është zëvendësimi i tyre me aplikacionet e komunikimit nëpërmjet internetit. Këto aplikacione kanë zëvendësuar në një masë të madhe thirrjet zanore dhe mesazhet e shkruara. SMS-të vijuan rënien edhe në tremujorin e tretë, me 15.7% më pak krahasuar me të njëjtën periudhë të një viti më parë/ Monitor
Lajme të tjera
-
Dezinformimi/ ‘Mos hapni çdo mesazh që vjen, edhe deputetët 'viktima'! Kreu i AKEP: U mbyllën 155 domaine ruse, 8 të grupeve të hakerimit! Qëllim, shkatërrimi i të dhënave
16 Tetor, 13:16 -
AKEP hap garën për frekuencat e teknologjisë 5G
2 Shtator, 09:11 -
Hakeri profesionist zbulon gjithçka që nuk duhet të bëni në internet: 9 sekretet se si të ruheni
17 Gusht, 11:34 -
'Duopoli i telefonisë' AKEP: Çmimet e shërbimit celular në rritje nga 2022, shtohen ankesat! Pirateria online shqetësim’! Teknologjia 5 G nga 1 janari 2025
3 Qershor, 13:24 -
Kompania e Elon Musk edhe në Shqipëri, inxhinieri i IT: Internet kudo që të jemi, aparatura merret me vete!
10 Prill, 17:49 -
Fëmijët të pambrojtur në internet! 15 mijë profile në Shqipëri u raportuan në 2022 me përmbajtje dhune seksuale e bullizmi
7 Tetor 2023, 15:36
-
Kina masa të rrepta ligjore, ndërpritet interneti gjatë natës për të miturit! Kufizime për të frenuar varësinë nga telefoni
2 Gusht 2023, 20:00 -
Raporti/ Rritet gjuha e urrejtjes ndaj fëmijëve përmes internetit! Dy 13-vjeçare për Report Tv: Kalojmë 8 orë në TikTok
10 Shkurt 2023, 19:03
-
Sa të rrezikuara nga sabotimi janë rrjetet nënujore të internetit?
17 Dhjetor 2022, 11:53 -
Shqiptarët nuk e përdorin shumë internetin, por janë ndër të parët në Europë për angazhimin në politikë në rrjete sociale
16 Dhjetor 2022, 07:57 -
SHBA/ Shitje rekord në internet, pavarësisht inflacionit të lartë
26 Nëntor 2022, 17:55 -
Si i përgjon Europa qytetarët?
10 Nëntor 2022, 08:32
