POP 5

Lajmet më të lexuara të 5 minutave të fundit

Bota

Në kontrast me pjesën më të madhe të botës, ekonomia e Kinës rritet 18.3%

Në një kohë që ekonomitë më të mëdha të globit janë përballur me rënie të theksuar ekonomike, ekonomia kineze u rrit për një shifër rekord prej 18.3 për qind në çerekun e parë të këtij viti në krahasim me të njëjtën periudhë të vitit të kaluar.

Në kontrast me pjesën më të madhe të botës, ekonomia e Kinës rritet 18.3%

Në një kohë që ekonomitë më të mëdha të globit janë përballur me rënie të theksuar ekonomike, ekonomia kineze u rrit për një shifër rekord prej 18.3 për qind në çerekun e parë të këtij viti në krahasim me të njëjtën periudhë të vitit të kaluar.

Ndonëse shifra e rritjes ekonomike ishte pak më e ulët se parashikimi prej mbi 20 për qind, ajo përsëri është rritja më e madhe e GDP-së që nga koha kur Pekini filloi të grumbullonte të dhëna për këtë aspekt në vitin 1992.

Të dhënat tregojnë se ekonomia kineze po rimëkëmbet nga efekti i pandemisë pasi vitin e kaluar ishte ekonomia e vetme që shënoi rritje, përderisa fuqitë tjera botërore u goditën rëndë nga efektet e izolimit të vazhdueshëm.

Sidoqoftë, analistët thonë se shifra e raportuar nuk është aq mbresëlënëse sa duket, sepse krahasohet me një periudhë kur Kina vetë ka qenë në izolim.

Shifra e rritjes ekonomike është ndihmuar edhe nga shpenzimet e mëdha të qeverisë, por prapë mbetet shembull për t’u lakmuar nga vendet tjera.

Ekonomistët në Gjermani thanë se ekonomia e fuqisë kryesore evropiane është tkurrur për 1.8 për qind në çerekun e parë të vitit si pasojë e izolimit të pjesshëm.

Ekonomia e Britanisë së Madhe gjithashtu pritet të tkurret për rreth 2 për qind, ndërsa Japonia dhe India nuk pritet të shënojnë rritje ekonomike deri në një periudhë më të mëvonshme gjatë këtij viti.

Krahasimi i rritjes për tremujorin e parë të 2021 me tremujorin e fundit të vitit 2020, ekonomia kineze u rrit me 0.6%.

E ndihmuar nga masat e rrepta kufizuese dhe lehtësimeve për bizneset, ekonomia është rikuperuar vazhdimisht. Pavarësisht nga një fillim katastrofik i vitit, Kina ishte e vetmja ekonomi e madhe që regjistroi rritje në vitin 2020, me 2.3%  megjithëse më e dobëta e saj në dekada.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Albi: 16/04/2021 20:20

    Komunizmi po lulzone, kurse prenimi po shkon drejte falimentimit

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46