/ATSH-AFP/ - Presidenti amerikan, Barack Obama kërkoi sot vazhdimin e reformës në drejtësinë penale në SHBA duke theksuar se sistemi mbetet i padrejtë veçanërisht për shkak të dënimeve të pabarabarta që përbëjnë një problem për mbipopullimin e burgjeve.
"SHBA-ja përbën pesë për qind të popullsisë botërore, por 25 për qind të popullsisë në burgje në rang botëror. Çdo vit ne shpenzojmë 80 miliardë dollarë për të mbajtur këta persona pas hekurave", deklaroi Obama gjatë një fjalimi të përjavshëm.
Barack Obama ka shfaqur tashmë angazhimin e tij për këtë çështje duke u bërë në muajin korrik presidenti i parë në detyre që viziton një burg federal.