Obama: Koreja e veriut kërcënim serioz, SHBA-Japoni-Kinë të bashkohen!

Ish presidenti amerikan, Barack Obama, potencoi rëndësinë e bashkëpunimit të aleancës SHBA-Japoni dhe bashkësisë ndërkombëtare kundër kërcënimit të Koresë së Veriut, transmeton Anadolu Agency (AA).

Agjencia e lajmeve Kyodo njofton se gjatë vizitës së tij në Azi dhe Paqësor, Obama mori pjesë në forumin ndërkombëtar në Tokio, duke thënë se Koreja e Veriut përbën një kërcënim serioz.

"Pheniani ka vazhduar në mënyrë konstante të zhvillojë armë bërthamore. Kim Jong-un nuk heziton të flasë për qëllimin dhe zhvillimin e mëtejshëm të armëve bërthamore dhe sistemit për lançimin e raketave të cilët nuk përbëjnë rrezik vetëm për rajonin, por edhe për botën"

LEXO EDHE:
VIDEO/ Obama befason fëmijët, vishet si babagjysh dhe u shpërndan atyre dhurata

Barack Obama, ish-Presidenti i SHBA

Ai është i mendimit se do të ishte ideale që kërcënimi verikorean të shmanget me mjete paqësore. Ai gjithashtu theksoi rëndësinë e vazhdimit të bashkëpunimit Japoni-SHBA me Korenë e Jugut dhe Kinën për të mbajtur nën presion Phenianin.

"Deri tani nuk kemi parë ndonjë përparim të rëndësishëm që ne dëshirojmë, por mendoj se ajo që është e rëndësishme është të kuptuarit se asnjë vend nuk mund ta zgjidhë individualisht këtë problem, ashtu siç mund ta bëjmë së bashku" 

Barack Obama, ish-Presidenti i SHBA

Pas forumit, Obama u takua me kryeministrin japonez Shinzo Abe.

TAG:
• barack obama
• kercenimi nga koreja e veriut

Sondazhi i ditës:

Propozimi i PS, a na duhet një reformë e re anti-korrupsion?

• Po

  68.3%

• Jo

  24.4%

• Nuk e di

  7.3%

Vota total: 2491

• Sondazhi i ditës:

  Propozimi i PS, a na duhet një reformë e re anti-korrupsion?

  Po Jo Nuk e di