PresidentiiI SHBA  Barack Obama  i dha fund vizitës së tij dy ditore në Athinë për tu nisur më pas drejt Berlinit ku do të takohet me kancelaren Merkel, kryemnistrin Italian Renzi dhe kreun e Doëning Street Theresa May.
 
Para nisjes drejt Gjermanisë  Obama vizitoi Acropolin dhe mbajti një fjalim duke e vënë theksin te rëndësia e demokracisë e cila edhe pse është e komplikuar mund të ndikojë në zgjidhjen e problemeve që kërcënojnë sot Europën e të gjithë botën.  Gjatë fjalës së mbajtur presidenti në ikje  tha se nuk do të ketë asnjë diferencë me zgjedhjen e Trump pasi demokracia amerikane është më e madhe se vetëm një person.

“E ardhmja do të jetë e e sigurt derisa njerëzit të kenë besim te demokracia. Ndoshta nuk është një sistem perfekt porn a lejon të tejkalojmë diferencat në mënyrë paqësore, dhe tu afrohemo idealeve tona e të korrigjojmë gabimet. Progresi nuk është i garantuar, por duhet fituar. Historia na jep shpresa. Unë besoj se vlerat e demokracisë janë gjithmonë të vlefshme. Të mos e pranojmë botën si është port a transformojmë për më mirë. Sepse titulli më i lartë nuk është ai i presidentit,apo kryeministri por ai i qytetarit”” shtoi kreu i Shtëpisë së Bardhë.
 
Ashtu sic ishte paralajmëruar Obama vizitoi Akropolin duke e vlerësuar si vendin ku lindi pikërisht demokracia. Ndalesa në Greqi ishte e para e udhëtimit të fundit të Barack Obamës si president i SHBA. Një ditë më parë ai u takua me presidentin Pavloupulos dhe kryeministrin Tsipras.

Vizita e Obamës në Europë synon të qetësojë zërat se me ardhjen e Trump në krye të Shtëpisë së Bardhë marrëdhëniet me Ëashingtonin do të vijojnë dhe se Amerika do të ruajë rolin e saj në Nato.


[gallery]19690[/gallery] 

Redaksia Online
E.M/shqiptarja.com