Objektivi i PD, 3 kryebashkiakët
Rroshi, Bardhi dhe Bushi

Ndryshe nga ç’kishte pretenduar opozita se 19 deputetë të majtë, e konkretisht socialistë ishin të dënuar dhe do të largoheshin nga parlamenti pas zbatimit të ligjit të dekriminalizimit, formularët e vetëdeklarimit nuk pasqyrojnë një pritshmëri të tillë. Nga deklaratat rezulton se 9 deputetë të së majtës, nga të cilët 4 të PS-së, 3 të LSI-së dhe dy të pavarur, kanë pasur marrëdhënie me drejtësinë, si të gjobitur, proceduar apo të ndaluar, apo duke ndryshuar gjeneralitetet, por asnjëri nuk është dënuar. Për të gjithë ka rezultuar që në fund të procesit të jenë shpallur të pafajshëm. Tre janë kryebashkiakët të cilët janë vendosur në shenjestrën e opozitës: Elvis Rroshi i Kavajës, Artur Bardhi i Kurbinit dhe Artur Bushi i Krujës.