POP 5

Lajmet më të lexuara të 5 minutave të fundit

Shëndeti

Bota

OBSH pezullon përkohësisht testimin klinik të hidroksiklorinës si një trajtim i mundshëm për COVID-19

Studimi u vlerësua si i "hutuar" nga specialisti francez i sëmundjeve infektive Didier Raoult, në mesin e pionierëve të përdorimin e hidroksilklorinës, i cili tha se dëshironte të vazhdonte me këtë metodë trajtimi në spitalin e sëmundjeve infektive në Marsejë, në Francë

OBSH pezullon përkohësisht testimin klinik të hidroksiklorinës si një trajtim i mundshëm për COVID-19

Organizata Botërore e Shëndetësisë tha se ka pezulluar përkohësisht testimin klinik të hidroksiklorinës si një trajtim i mundshëm për COVID-19.

Vendimi u mor pas një publikimi në revistën mjekësore The Lancet, javën e kaluar, ku thuhej se përdorimi i ilaçit te pacientët me COVID-19 mund t’i rrisë shanset e tyre për të vdekur, tha shefi i OBSH-së, Tedros Adhanom Ghebreyesus.

Në një konferencë virtuale për media, ai tha se i ashtuquajturi Testim i Solidaritetit – ku qindra spitale të vendeve të ndryshme të botës kanë ndarë pacientë për të testuar lloje të ndryshme të trajtimeve për koronavirus – ka pezulluar trajtimin e hidroksiklorinës.

Tedros tha se pezullimi do të vlejë derisa të rishikohen të dhënat.

Hidroksiklorina përdoret normalisht për të trajtuar artritin, por deklaratat e figurave publike, si ato të presidentit amerikan, Donald Trump, i cili ka thënë javën e kaluar se po e merr ilaçin, kanë nxitur qeveritë që të blejnë hidroksiklorinë me shumicë.

Ministri i Shëndetësisë në Brazil rekomandoi gjithashtu javën e kaluar përdorimin e hidroksilkorinës, si dhe të klorinës kundër malaries, për trajtimin e rasteve me COVID-19.

Por, studimi i Lancet zbuloi se të dyja ilaçet mund të prodhojnë efekte të mundshme anësore, sidomos aritmi të zemrës.

Studimi u vlerësua si "hutuar" nga specialisti francez i sëmundjeve infektive Didier Raoult, në mesin e pionierëve të përdorimin e hidroksilklorinës, i cili tha se dëshironte të vazhdonte me këtë metodë trajtimi në spitalin e sëmundjeve infektive në Marsejë, ku ai punon.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Të lidhur me zinxhirë, njëri pas tjetrit! Shtëpia e Bardhë poston foto të emigrantëve ilegalë që po dëbohen nga SHBA

Të lidhur me zinxhirë, njëri pas tjetrit! Shtëpia e Bardhë poston foto të emigrantëve ilegalë që po dëbohen nga SHBA

24 Janar, 15:24