POP 5

Lajmet më të lexuara të 5 minutave të fundit

Bota

OceanGate pezullon ekspeditat pas shpërthimit të nëndetëses

OceanGate, kompania me bazë në SHBA që menaxhoi nëndetësen turistike që shpërtheu gjatë një zhytjeje në rrënojat e Titanikut, ka pezulluar të gjitha operacionet kërkimore dhe tregtare

OceanGate pezullon ekspeditat pas shpërthimit të nëndetëses

Mbetjet e nëndetëses Titan të nxjerra nga oqeani

OceanGate, kompania me bazë në SHBA që menaxhoi nëndetësen turistike që shpërtheu gjatë një zhytjeje në rrënojat e Titanikut, ka pezulluar të gjitha operacionet kërkimore dhe tregtare.

Kompania në njoftimin në ueb faqen e saj nuk shtjelloi aryet përtej shpjegimit: "OceanGate ka pezulluar të gjitha operacionet e kërkimit dhe tregtimit".

OceanGate kishte planifikuar dy ekspedita në rrënojat shekullore të Titanikut, të vendosura në një cep të largët të Atlantikut të Veriut, për qershor të vitit 2024.

Familjarët e të vdekurve në nëndetësen Titan shprehin "mërzinë e thellë"

Autoritetet amerikane dhe kanadeze po hetojnë shkakun e shpërthimit nënujor të qershorit, i cili vrau të pesë personat që ishin në të dhe ngriti pikëpyetje rreth natyrës së parregulluar të ekspeditave të tilla.

Rojet bregdetare të SHBA-së javën e kaluar gjetën mbetje të supozuara njerëzore dhe mbeturina nga nëndetësja, e njohur si Titan, pas kërkimit në fundin e oqeanit.

Ekzaminimi i mbetjeve pritet të hedhë më shumë dritë mbi shkakun e shpërthimit.

Nëndetësja Titan, e cila dërgon pasagjerë deri në rrënojat e Titanikut, të fundosur në vitin 1912, në Oqeanin Atlantik – ishte zhdukur më 18 qershor.

Pas kërkimeve intensive nga shumë shtete, Roja Bregdetare e SHBA-së tha më 22 qershor se pasagjerët kanë vdekur pasi nëndetësja besohet të ketë shpërthyer.

Brenda nëndetëses ishin eksploruesi britanik, Hamish Harding, eksperti francez i nëndetëseve, Paul-Henri Nargeolet, biznesmeni pakistanezo-britanik, Shahzada Dawood dhe djali i tij, Suleman, dhe drejtori ekzekutiv i kompanisë Ocean Gate./REL

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • e drejta: 07/07/2023 10:11

    < I PEZULLON> UDHETIMET...!! NUK I SHKON ME NJERI

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

27 Janar, 23:00