POP 5

Lajmet më të lexuara të 5 minutave të fundit

Kronikë

Oferta misterioze për të blerë farmacitë me 8-fishin e vlerës/ Reagon për Report Tv biznesmeni 18-vjeçar: Ja e vërteta ime

Ahmed Pemaj, 18-vjeçari i cili pretendon se është biznesmen, pas lajmit të publikuar në Report Tv, ka kontaktuar me redaksinë për të thënë të thotë të vërtetën e tij.

Oferta misterioze për të blerë farmacitë me 8-fishin e vlerës/ Reagon për Report Tv biznesmeni 18-vjeçar: Ja e vërteta ime

Ahmed Pemaj

TIRANË- Ahmed Pemaj, 18-vjeçari i cili pretendon se është biznesmen, pas investigimit të publikuar në Shqiptarja.com mbi ofertat misterioze për të blerë farmacitë deri në 8- fishin e vlerës së saj, ka kontaktuar me redaksinë për të thënë të vërtetën e tij.

Në reagimin e dërguar në e-mailin zyrtar të Shqiptarja.com, Pemaj shkruan se qëllimi i tij nuk është monopolizimi i tregut të farmacistëve, teksa thekson se biznesi i tij nuk është i regjistruar në QKR sepse aktiviteti nuk ka filluar ende. "Është vetëm vizionit i tij", thotë mes të tjerave 18-vjeçari.

Sa i përket ofertës që bën për të blerë biznesin deri në 8-fishin e fitimit vjetor, 18-vjeçari thotë se këtë shumë parash nuk e disponon, por e ka në plan për të marrë kredi në banka apo institucione të tjera financiare.

*Në respekt të gjithë lexuesve dhe paanshmërisë së lajmit, Shqiptarja.com publikon reagimin e plotë të Ahmed Pemajt.

Reagimi i plotë
Quhem Ahmed Pemaj dhe po ju shkruaj në lidhje me lajmin e sapo nxjerrë.

Së pari ai dokument nuk thotë në asnjë vend se kompania ekziston. Kompania është vetëm një vizion i imi. Së dyti ai dokument nuk le nënkuptime në lidhje me monopolizim. Askund nuk është përmendur diçka e tillë. E për më tepër edhe NËSË ne do të donim të bënim diçka të tille, ligji nuk na e lejon dhe ligjit nuk i del dot kundër askush.

Së treti për sa i përket ofertës sime. Është e vërtetë pjesa ku i kam ofruar DISA farmacive në Tiranë propozimin për t'i blere. Shuma do të varionte nga 3 deri në 8 herë fitimet e tyre vjetore. Por në asnjë moment nuk kam cituar apo thënë se unë e zotëroj një kapital për ta kryer këtë gjë.

Madje kur kanë pyetur në lidhje me burimin e kapitalit kam cituar tekstualisht se ai mund të merret nëpërmjet një kredie nga një institucion bankar apo investitor i interesuar në diçka të tillë.

Së katërti, ajo çka ju citoni si prova, pra e-maili dhe dokumenti, nuk citojnë në asnjë vend se ne jemi një kompani të cilët janë aktualisht në aktivitet. Aty thuhet se jam në procesin e ndërtimit të një kompanie unike në llojin e saj në industrinë e shëndetësisë. Në “proces”, jo në “aktivitet”. Pra në përfundim të këtij emaili kërkoj zyrtarisht heqjen e lajmit të rreme për monopolizim dhe pastrim parash, tërheqjen e çdo akuze të mundshme, dhe publikimin e së vërtetës së qartë e të pastër.

Po për çfarë lajmi bëhet fjalë? 18 vjeçari Ahmed Pemaj me ofertën e tij dërguar me një e-mail farmacistëve në vend iu premton blerjen e biznesit me 8-fishin e vlerës së fitimit vjetor. Ishte Urdhri i farmacistëve të Shqipërisë që denoncoi Ahmed Pemajn se këtë ofertë e bën në emër të atyre që kërkojnë të monopolizojnë tregun, ndërsa në një investigim të Shqiptarja.com rezulton se i riu edhe pse pretendon se është biznesmen që mbështetet nga bankat dhe ka para cash nuk është i regjistruar në QKR as si individ as me firmën e tij HelthEmpire.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tobestrafkulla: 04/07/2020 11:21

    Thuaj babit mos te tregoj me perralla, se nga vizionar del mashtrues.

    Përgjigju
  • Edi: 04/07/2020 10:58

    Ja fusni kot cfare investigimi eshte jur ai thothe eshte ide projekt akoma se ka regjistruar api dono skup te lajmir haha

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Kosovë/ Shpërthen skuteri elektrik, përfshihet nga flakët një lokal

Kosovë/ Shpërthen skuteri elektrik, përfshihet nga flakët një lokal

2 Nëntor, 22:06