OKB, Haley: SHBA presion Kinës 
për sanksione mbi Korenë e Veriut

Shtetet e Bashkuara të Amerikës po i bëjnë presion Kinës me qëllim që kjo e fundit të ndërrmarrë sanksione kundër Koresë së Veriut si kundërpërgjigje për vazhdimin e programit bërthamor, ka theksuar ambasadorja amerikane në OKB, Nikki Haley.

“Ne do të luftojmë shumë për këtë çështje. Ne do të ushtrojmë presion, jo vetëm ndaj Koresë së Veriut, por edhe ndaj vendeve që nuk respektojnë rezolutat e OKB-së dhe nuk aplikojnë sanksionet kundër Koresë së Veriut”, tha Haley gjatë një interviste për stacionin televiziv CBS.

“Kina është një prej tyre, sepse 90 % e shkëmbimeve tregtare koreano-veriore bëhen me Kinën dhe nëse ato kanë bashkëpunuar duhet të bëjnë më shumë. Autoritetet kineze kanë reaguar për atë që ne ju kemi kërkuar ”, ka deklaruar ambasadorja e SHBA në OKB.

Gjatë një interviste tjetër, ajo theksoi se në rast statu quo-je, do të ketë një reagim nga ana e SHBA.

Gjithashtu, Haley është shprehur qartë se, “Presidenti Trump do të shqyrtonte marrëdhëniet tregtare me Kinën”.

Kriza lidhur me programin bërthamor koreano-verior është rritur me testimin për herë të parë të raketës balistike ndërkontinentale nga Pheniani, më 4 korrik.

Redaksia Online
Er.K/Shqiptarja.com