Nju Jork, 25 tetor 2024 – Në takimin e organizuar nga Shqipëria dhe OSBE në OKB për mbështetjen e të mbijetuarve të dhunës seksuale të lidhura me konfliktin, Ministri për Evropën dhe Punët e Jashtme, Igli Hasani, vuri theksin tek rëndësia e procesit të llogaridhënies për autorët e këtyre akteve.
Sipas ministrit Hasani, një nga barrierat kryesore ndaj përgjegjësisë për këto krime është mbizotërimi i kulturës së mosndëshkimit, teksa nënvizoi se thyerja e këtij cikli kërkon përpjekje të përbashkëta.
“Për të parandaluar në mënyrë efektive këtë krim mizor, ne duhet t'i japim përparësi forcimit të llogaridhënies dhe duhet të fokusohemi në fuqizimin e viktimave. Është thelbësore të vendosen tregues të paralajmërimit të hershëm për dhunën seksuale të lidhur me konfliktin në mandatet e të gjitha misioneve paqeruajtëse dhe ato të posaçme politike të OKB-së. Zbatimi i këtyre masave do të rrisë kapacitetin tonë për të zbuluar dhe reaguar ndaj incidenteve të dhunës seksuale në kohën e duhur”, u shpreh kryediplomati shqiptar, duke kujtuar krimet e kësaj natyre gjatë luftës në Kosovë dhe ato më të fundit në Ukrainë.
Takimi “Përgjegjësia dhe fuqizimi: Mbështetja e të mbijetuarve të dhunës seksuale të lidhura me konfliktin” i bashkëorganizuar nga pala shqiptare dhe OSBE, shërbeu si një platformë diskutimi dhe adresimin e sfidave që lidhen me dhunën seksuale të shkaktuara nga konfliktet.
Gjatë qëndrimit në Nju Jork, Ministri Hasani u takua me një grup qytetarësh shqiptarë që punojnë në Organizatën e Kombeve të Bashkuara.
Ai i informoi mbi hapat konkretë që po ndërmerr Ministria për Evropën dhe Punët e Jashtme, për të forcuar lidhjet e shërbimit të jashtëm me shqiptarët që punojnë në organizata ndërkombëtare—jo vetëm për t’i mbështetur në zhvillimin e karrierës pranë këtyre Organizatave, por edhe për të lehtësuar mundësitë e angazhimit të tyre në Shqipëri, ku eksperienca e tyre e vyer është kyçe për përsosjen e diplomacisë shqiptare.
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22
