Një fjalim në emër të komisoneres së lartë u lexua sot në takimin urgjent të Këshillit për të Drejtat e Njeriut në OKB: “ Këto veprime mund të përputhen me klasifikimin si krime kundër njerëzimit dhe krime të tjera ndërkombëtare dhe janë tregues të një qasjeje për sulme të përhapura apo sistematike kundër popullatës civile që kryhen pa u ndëshkuar”.
“Unë theksoj se ata që urdhërojnë, ndihmojnë apo nuk parandalojnë sulmet mbi civilët, janë individualisht përgjegjës para ligjit”, tha Pillai në fjalimin e saj.
Aktivistët në Siri kane shfaqur ndërkohë sot një video që sipas tyre tregon për një tjetër masakër mbi civilë të kryer nga forcat proqeveritare. Sipas burimeve, 13 puntorë të një fabrike janë zbritur nga autobusi i tyre dhe janë vrarë. Ngjarja ka ndodhur sërish në rajonin e Homsit. Video tregon trupa të shtrirë në tokë, me plagë arme zjarri qëlluar nga afër në kokë dhe bark, thotë Jim Muir i BBC.
(ep/shqiptarja.com)