OKB paralajmëron rreziqet nga Inteligjenca Artificiale! Guterres: Kërcënim për njerëzimin po aq sa ai bërthamor

Rreziqet nga Inteligjenca Artificiale përherë e më tepër po tërheqin vëmendjen jo vetëm të kritikëve. Së fundi sekretari i përgjithshëm i OKB-së, António Guterres bëri një paralajmërim të fortë dhe thirrje për krijimin e një organi rregullator.

“Kambanat e alarmit për formën më të fundit të inteligjencës artificiale (IA) gjeneruese janë jashtëzakonisht shurdhuese”, tha Guterres në një konferencë shtypi në Nju Jork të hënën.

“Shkencëtarët dhe ekspertët i kanë bërë thirrje botës të veprojë, duke e deklaruar IA-në një kërcënim ekzistencial për njerëzimin në të njëjtin nivel me rrezikun e luftës bërthamore. Ne duhet t’i marrim seriozisht këto paralajmërime”, tha ai.

LEXO EDHE:
Shtyhet votimi në OKB për rezolutën për gjenocidin në Srebrenicë

Guterres prezantoi një dokument në të cilin Kombet e Bashkuara bëjnë propozime se si të veprohet me IA-në, në mbarë botën dhe njoftoi planet për të krijuar një organ këshillimor të nivelit të lartë për këtë çështje.

Ai tha gjithashtu se mbështet ngritjen e një autoriteti rregullator, por që nuk mund të ngrihet vetëm nga ai, vetëm në partneritet me shtetet anëtare të OKB-së.

Guterres sugjeroi se një autoritet i tillë mund të frymëzohej nga ajo që është sot Agjencia Ndërkombëtare e Energjisë Atomike

Vetëm pak kohë më parë personi njihet  si “baba” i inteligjencës artificiale, la  punën dhe paralajmëroi për rreziqet në rritje nga zhvillimet në këtë fushë.

Geoffrey Hinton, 75 vjeç u është referuar “aktorëve të këqij”, të cilët mund të përpiqen ta përdorin inteligjencën artificiale për “gjëra të këqija”.

Kur është pyetur nga BBC-ja për ta elaboruar këtë, ai është përgjigjur: “Ky është thjesht një lloj i skenarit më të keq, një skenar makthi”.

G.MO/KT/Shqiptarja.com

TAG:
• OKB
• Antonio Guterres
• inteligjenca artificiale