Oketa: Bojkoti i Kuvendit nga PD
produkt i kalkulimeve të “njëshit”

TIRANE- Ish- ministri i Mbrojtjes dhe njëkohësisht numri dy i partisë Fryma e Re Demokratike, Gazmend Oketa, gjykon se bojkoti i opozitës ndaj institucionit të Kuvendit është një farsë dhe krejtësisht i pavlerë. Në një intervistë për gazetën “Shqiptarja.Com”, Oketa shpjegon se vendimi politik për vijimin e bojkotit nga ana e opozitës, nuk ka ardhur si një vendim i grupit parlamentar, por si vendim individual i atij që realisht ka drejtuar dhe drejton këtë forcë.

Lidhur me krijimin e një lëvizje të re politike brenda demokratëve, Oketa thekson se të gjithë ata individë që nuk e gjejnë vetën brenda atij grupimi politik le të marrin iniciativa dhe lëvizje të reja politike, por ai kujtoj ndërkohë se FRD-ja është një alternativë e mirë për ta.