Në emision “Tonight Ilva Tare” Oketa tha se nuk do të jetë më pjesë e strukturave të PD, por nuk do të bashkojë votën e tij me të majtët.
“Nuk do të jem më pjesë e grupit parlamentar të PD. Unë e di se përse kam ardhur deputet në Kuvend. Jam zgjedhur në Durrës dhe i jam mirënjohës qytetarëve që më kanë mbështetur. Në 2005 kam kandiduar në një zonë me rezultat të hershëm negavit për PD. Në respekt të qytetarëve që kam votuar, në asnjë rast vota ime nuk do bashkohet më partinë socialiste. Deri në fund të këtij mandati do të respektoj votën e durrsakëve. Do të orientohem drejt një force të re politike, që do synojë të mbushë hapësirën e lënë bosh nga e djathta në Shqipëri”, tha Oketa.
Ai ka shprehur pakënaqësi për funksionimin e Partisë Demokratike, sikundër ka akuzuar PS se nuk ka mbushur misionet minimale të saj.
“Edhe pas vitit 2005, kokat e shqiponjës vazhdojnë të jenë të ulura, pavarësisht angazhimit tonë në mandatin e parë”, tha Oketa.
(aq/shqiptarja.com)
![](https://www.shqiptarja.com/template/img/sh_logo1.png)