POP 5

Lajmet më të lexuara të 5 minutave të fundit

Politikë

Oksford, Rama: Shqipëria
do marrë statusin, prioritet

Kryeministri Edi Rama shprehet optimist se Shqipëria do ta marrë statusin e vendit kandidat në BE në Qershor.
Oksford, Rama: Shqipëria<br />do marrë statusin, prioritet
LONDER- Kryeministri Edi Rama shprehet optimist se Shqipëria do ta marrë statusin e vendit kandidat në BE në Qershor. Në një leksion të mbajtur në universitetin e Oksfordit, ai ka deklaruar se qeveria e tij po punon fort për t’u përfshirë bindshëm në procesin e integrimit, duke u shprehur se ky është një pritoritet i kësaj qeverie. “Ne jemi të vendosur të ndërmarrim të gjitha hapat e kërkuar në mënyrë që të marrim statusin e vendit kandidat.

Ne do punojmë fort, duke mbajtur gjithmonë në mendje se integrimi në BE nuk është vetëm një destinacion, por është një set vlerash dhe standardesh që ne si fillim duhet t’i ndërtojmë në vend. Kjo lidhet me vullnetin tonë për të kontribuar në suksesin e një projekti ndërkombëtar brilant, të një BE që kontribuon ndërkaq për begatinë e miliona njerëzve, që krijon shoqëri akoma më të hapura dhe që kontribuon për një botë më të barabartë”, u shpreh Kryeministri.

Rama tha se i gjithë procesi i integrimit europian nuk është vetëm një destinacion por një set vlerash e standardesh që konsolidohet nëse të gjitha vendet, specifikisht të rajonit, punojnë së bashku për ta pasur. Duke vlerësuar atë çka Britania e Madhe përfaqëson në korpusin e vlerave europiane, Raama theksoi se qeveria shqiptare e konsideron mbështetjen e saj në rrugëtimin evropian të Shqipërisë të një rëndësie të madhe.

Duke shprehur bindjen se integrimi europian është e ardhmja e Ballkanit, ai tha se një bashkëpunim i suksesshëm mes vendeve të tij përbën dhe një faktor kyç për një integrim të suksesshëm europian. Rama përcolli mesazhin e fortë të besimit se Shqipëria, me brezat e saj të rinj, s’do jetë vetëm përfituese por dhe kontribuuese në BE.
 
Shkrimi u publikua sot (26.02.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

29 Nëntor, 15:28 nga Eliza Gjediku