Tre shqiptarë janë arrestuar nga policia e shtetit në Tiranë, në vijim të operacionit ndërkombëtar antidrogë të koduar “PUZZLE 2020”.
Në pranga kanë rënë Ardian Korriku, 54 vjeç, Jurgen Korriku, 27 vjeç dhe Etleva Adami 46 vjeç të cilët dyshohet se janë pjesë e një organizate kriminale që shpërndante kokainë dhe kanabis në Itali.
Për këta 3 shtetas është lëshuar urdhër arresti ndërkombëtar për veprën penale “Trafikimi i narkotikëve”, në kuadër të një procedimi penal të Drejtorisë së Antimafias, së Distriktit të Venecias” thuhej sot në njoftimin e policisë së shtetit, pa dhënë më shumë detaje por duke shpërndarë video të arrestimit të tyre.
Operacioni u ndërmor njëkohësisht në të dy shtetet mëngjesin e 16 nentorit 2023.
Një nga provat e forta të Guardia di Financa e Padovas kanë qenë përgjimet që quan në arrestimin e 17 korrierëve në provincat e Ankonës, Arezzo, Bari, Bergamo, Bolonja, Modena, Novara, Ravenna, Udine, Venecia dhe Verona. Si dhe në sekuestrimin e mbi 420 kilogramë kokainë, heroinë, hashash e marihuanë, e cila në treg ka një vlerë mbi 34 milionë euro. Gjithashtu u sekuestruan para të thata cash gati një milion dhe pasuri me vlerën e 1 mln eurove të tjera shkruajnë mediet italiane, sipas të cilave kreu i bandës është një shtetas shqiptar banues në Ponte di Piave (Treviso)
Në total janë lëshuar 19 urdhër arreste. Për 3 të arrestruarit në Tiranë kishte një urdhër arresti nga autoritetet italiane pas hetimeve të kryera nga prokuroritë e Padovas dhe Venecias. Janë ekzekutuar 14 urdhër-arreste me burg ndërsa 5 ishin “arrest shtëpie”. Një masë arresti shtëpiak u ekzekutua në territorin gjerman.
“Hetimet kanë zbuluar se bëhet fjalë për një organizatë të trafikut të drogës që transportonte drogë nga Holanda përmes Gjermanisë, dhe Shqipërisë në Itali. Në hetim si anëtarë të kësaj organizate ishin gjithsej 65 persona, kryesisht shqiptarë dhe italianë të cilët kishin role të ndryshme në këtë trafik droge’ shpjegon Guardia di Financa.
Hetimet, të nisura gati tre vjet më parë dhe të kryera nën drejtimin e Prokurorisë së Venecias, u zhvilluan pas arrestimit të një shqiptari dhe një gruaje italiane, të ndaluar në Padova në janar 2020 dhe sekuestrimin e 2 kilogramëve heroinë që u gjet në makinën e çiftit.
Droga vinte e fshehur nëpër makina nga Holanda, në Gjermani e Shqipëri e më pas në Itali. Corrierët e drogës ishin në provincat Bari, Ancona, Arezzo, Bergamo, Bologna, Modena, Novara, Ravenna, Udine, Venecia dhe Verona.
Operacioni në Shqipëri u krye në koordinimin e Zyrës së Interforcës italiane, në Shqipëri, pas hetimeve të kryera nga prokuroritë e Padovas dhe Venecias.
Hetimet kanë zbuluar se bëhet fjalë për një organizatë të trafikut të drogës që transportonte drogë nga Holanda përmes Gjermanisë, në Itali dhe nga Shqipëria në Itali. Në hetim si anëtarë të kësaj organizate ishin gjithsej 65 persona, kryesisht shqiptarë dhe italianë të cilët kishin role të ndryshme në këtë trafik droge’ shpjegon Guardia di Financa.
Pakot e kokainës, mes tyre dhe ato me logon e kompanisë së njohur 'puma' fshiheshin në makinë.
Guardia di Financa ka publikuar video ku duket korrierët të cilët nxjerrin pakot e drogës nga makina.
Droga e sekuestruar gjate operacionit "Puzzle 2020"
Korrierët duke marrë drogën nga makina, operacioni 'Puzzle 2020'
Këto janë pamjet e megaoperacionit të policisë italiane për arrestimin e 16 personave të cilët akuzuar si pjesë e një bande që merrej me trafikun e kokainës dhe kanabisit. Ndërkohë 3 prej anëtarëve të bandës u arrestuan në Tiranë dhe 1 tjetër në Gjermani.
Siç shihet nga pamjet, policia italiane ka përdorur edhe helikopterë për operacionin dhe droga e llojit kokainë është gjetur poshtë sediljeve të makinave të trafikantëve. Në total u sekuestruan 420 kg drogë e llojit kokainë dhe marijuanë, ndërsa vlera e përllogaritur shkon deri në 34 milionë euro.
Mbi 34 milionë euro vlerësohet të jetë vlera e 420 kg kanabis dhe drogë që u sekuestruan sot në Itali pas një operacion ndërkombëtar që u shtri edhe në Shqipëri, ku u arrestuan 3 persona, Ardian Korriku, Jurgen Koriku dhe Etleva Adami. Në kuadër të këtij operacioni janë lëshuar 19 urdhër-arreste në total.
Gjithashtu janë sekuestruar mallra me vlerë 2 milionë euro dhe 1 milionë euro ‘cash’. Traiku i drogës bëhej në Gjermani, Shqipëri dhe Itali. Korrierët përdornin celularë të enkriptuar me origjinë shqiptare, të pajisur me sistemin e mesazheve të çastit “Matrix” dhe përdorej për kujdesin për logjistikën dhe lëvizjen e sasive të mëdha të drogës.
Lajme të tjera
-
Studimi/ Shqipëria, vendi i 5-të më pak i rreptë përsa i përket gjobave për drejtimin e automjeteve
25 Dhjetor, 12:54 -
Festat e fundvitit, shpërblim për 8 mijë policë! Vendimi brenda javës! Bonus dhe për administratën
25 Dhjetor, 11:17
-
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Itali/ U kap duke shitur kokainë, 29-vjeçari shqiptar lirohet pasi pranoi akuzën, dënohet me kusht (EMRI)
24 Dhjetor, 15:54 -
Festat e fundvitit, policia rrit masat e sigurisë! Shtohet prezenca policore në pedonale, objekte kulti dhe sheshe publike në të gjithë vendin
24 Dhjetor, 13:25 -
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46
