Një grup kriminal shqiptar që trafikonte drogë nga Gjermania në Itali është shkatërruar nga një operacion ndërkombëtar anti-drogë, i shtrirë edhe në vendin tonë. Në total janë arrestuar 13 persona, ku 3 prej tyre janë kapur nga Forcat Operacionale në qytetin e Vlorës. Të tre rezultojnë se ishin pjesë e grupit kriminal që trafikonte kanabis e kokainë drejt Italisë.
Në kuadër të operacionit ‘Sammogia’, të iniciuar nga policia Italiane, është sekuestruar 26.5 kg kokainë dhe 11 kg kanabis. Ndërkohë, 22 persona janë në hetim, ndërsa arrestimet përveç Vlorës, janë kryer edhe në Itali dhe Gjermani.
Në pranga në Vlorë kanë rënë dy vëllezërit Ledian dhe Florjan Muho, 33 dhe 38 vjeç, si edhe 52-vjeçari Landi Kalemaj. Për të tre, Gjykata e Bolonjas ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale.
“Pjesëtarë të një organizate kriminale në Itali, për trafikim narkotikësh, lokalizohen në Vlorë, kapen dhe vihen në pranga 3 shtetas. Gjatë operacionit ndërkombëtar “Sammogia”, në total, në Shqipëri, Itali dhe Gjermani, u arrestuan 13 shtetas”, njoftoi Policia e Shtetit.
Mediat italiane kanë zbardhur edhe detaje nga operacioni, ku sipas tyre autoritetet kanë monitoruar disa lëvizje korrierësh nga Gjermania në Itali, teksa shpërndanin drogë. Nga hetimet u konstatua se korrierët shqiptarë, për llogari të organizatës kriminale, shpërndanin çdo javë kokainë dhe kanabis në Itali, duke ua dorëzuar blerësve e bashkatdhetarëve të tyre.
Siç shihet edhe në pamjet e operacionit, është kapur drogë e ndarë në doza, ndërsa një pjatë kokainë ishte futur në mikrovalë. Në pamje shihet momenti kur policia italiane mësyn në një banesë, ndërsa janë sekuestruar edhe euro cash të fshehura në çorape, si edhe celularë.
Janë publikuar pamjet e arrestimit të tre personave në Vlorë, të cilët akuzohen se janë pjesë e grupit kriminal që trafikonte drogë nga Gjermania në Itali. Në këto video shihet momenti i arrestimit të dy vëllezërve Ledian dhe Florjan Muho, 33 dhe 38 vjeç, si edhe 52-vjeçari Landi Kalemaj.
Në pamje shihet se dy vëllezërit janë arrestuar në lokal. Operacioni ndërkombëtar që çoi në shkatërrimin e grupit kriminal që trafikonte drogë u përshëndet edhe nga ministri i Brendshëm, Taulant Balla.
“Policia e Shtetit po konsolidohet çdo ditë e më shumë si partner i besueshëm i policive dhe agjencive të vendeve partnere, sëbashku me Interpol dhe Europol në luftën kundër krimit të organizuar, me një fokus të veçantë luftën kundër grupeve kriminale të përfshira në trafikun ndërkombëtar të lëndëve narkotike dhe armëve. Gjatë natë dhe mëngjesit të sotëm është finalizuar me sukses operacioni policor ndërkombëtar “Sammogia”, ku është goditur një grup i strukturuar kriminal dhe janë arrestuar pjesëtarë të tij. Përgëzime Departamentit të Policisë Kriminale në Policinë e Shtetit për kapjen e tre të kërkuarve nga Italia dhe për koordinimin mjaft të mirë me Zyrën e Interforcës Italiane dhe Interpol Tirana”, shkruan Balla.
Policia italiane publikon pamjet e kontrolleve në Bologna gjatë operacionit ndërkombëtar kundër trafikut të drogës që u ndërmor njëkohësisht në Itali, Shqipëri e Gjermani. Në qendër është një grup shqiptar i specializuar në importimin e sasive të mëdha të kokainës nga Gjermania. Deri tani flitet për 13 të arrestuar dhe 22 persona në total në hetim.
Në pamjet e publikuara duken kontrollet me qen në një banesë ku gjenden dhe një tufë me euro të fshehura në çorap, kokainë në mikrovalë, disa telefona dhe doza kokaine gati për tu shitur.
Komente
Lajme të tjera
-
The Economist: Cila ekonomi pati ecuri më të mirë në 2024?
28 Dhjetor, 09:42 -
U arrestua pak ditë më parë në Gjermani, Florian Marku lirohet nga qelia! Greqia kërkon ekstradimin, i ndalohet dalja nga vendi
28 Dhjetor, 09:29 -
Përplasje fatale në Itali, humb jetën në aksident 44-vjeçari shqiptar! Italiani udhëtonte në korsinë e kundërt
27 Dhjetor, 18:41 -
Miratohet buxheti i bashkisë Vlorë për 2025-ën, opozita kundër! Ja çfarë parashikon
27 Dhjetor, 16:42
-
Gazetarja italiane arrestohet në Teheran
27 Dhjetor, 15:38 -
Gjermani/ Presidenti Steinmeier shpërndan Parlamentin, zgjedhjet e reja më 23 shkurt
27 Dhjetor, 11:45 -
Trafikuan 1 ton marijuanë me vlerë 3.37 mln euro, SPAK dërgon për gjykim 4 trafikantët që u zbuluan nga përgjimet e Sky Ecc (EMRAT)
27 Dhjetor, 10:24 -
Dyshime për sabotim pas dëmtimit të kabllos nënujore elektrike në Detin Baltik
26 Dhjetor, 21:06 -
Vlorë/ Fusha e mbetjeve përfshihet përsëri nga flakët, zjarrfikësit drejt vendngjarjes! Hetime dhe për zjarrvënie të qëllimshme (VIDEO)
26 Dhjetor, 16:23
-
Itali/ Shpërndanin kokainë me makinë dhe tentuan arratinë, arrestohet 24-vjeçari shqiptar, nën hetim shoku! Të dy me disa precedentë penalë
26 Dhjetor, 16:04 -
Albcontrol 39,7 milionë lekë për pajisjet e Kullës së Kontrollit në Aeroportin e Vlorës
26 Dhjetor, 15:35 -
Vlorë/ Drogë, thyerje mase, djegie makine dhe aksident, 2 të arrestuar, 2 nën hetim dhe një në kërkim
26 Dhjetor, 15:20
