Operacion në Fier, sekuestrohen 3 mijë euro false, prangosen katër persona

FIER-Policia ka sekuestruar 3000 euro të dyshuara të falsifikuara, ndërsa ka arrestuar katër persona. Të arrestuarit janë; G.F. 26 vjeç, A.Sh. 35 vjeç, E.G. 31 vjeçe dhe E.Z. 34 vjeç, banues në Memaliaj.

Arrestimi i tyre u bë pasi në vendin e quajtur "Rreth rrotullimi i parkut" Fier, gjatë kontrollit të ushtruar në mjetin tip "Volksëagen" me të cilin po udhëtonin, u janë gjetur dhe sekuestruar një sasi prej 6 kartëmonedhash me vlerë 3000 euro, me të njëjtin numër serie të cilat dyshohen se janë të falsifikuara.

Materialet i kaluan Prokurorisë pranë Gjykatës së Shkallës së Parë Fier për hetim të metejshëm në ngarkim të shtetasve të mësipërm për veprën penale "Falsifikimi i monedhave i kryer në bashkëpunim".

TAG:
• falsifikimi