Operacioni/ Bllofi i dytë i Berishës 
falsifikoi dokumentin e EUROPOL

Ish kryeministri Sali Berisha ka falsifikuar dokumentin e EUROPOL për operacionin antidrogë të datës 13 maj, i shtrirë në Greqi dhe Belgjikë.

Në dokumentin e publikuar nga Berisha në Facebook  Shqipëria nuk përmendet si vend që ka ndihmuar operacionin. Ndërsa krejt e kundërta paraqitet në faqen zyrtare të EUROPOL ku Shqipëria renditet krahas Belgjikës dhe Greqisë si vend që ka mbështetur hetimet dhe operacionin antidrogë gjatë arrestimeve të 11 qytetarëve grekë e 6 shqiptarë. 

Nga ky operacion u kapën 698 kg hashash në Greqi dhen 96.5 kg në Belgjikë.

Për këtë çështje debatuan gjatë seancës së Kuvendit kryeministri Edi Rama dhe paraardhësi i tij, Sali Berisha. 

Në kohën që kryeministri Rama mbante fjalën në Kuvend dhe i tregonte dokumentin sipas tij të printuar direkt nga EUROPOL-i, ish kryeministri Berisha mohonte nga vendi.

Rama e ka lëshuar fletën në tokë nga foltorja ndërkohë që Berisha është ngritur me një tjetër raport (i njëjti dokument i publikuar edhe në Facebook) dhe ia ka çuar letrën deputetit socialist, Pandeli Majko, në vendin ku ishte ulur.

Dokumenti që mbante Berisha në dorë ishte ai i falsifikuari. 

Debati

Rama: Ja si gënjen ti, kështu gënjen ti...

Berisha: Po po ja ku e kam Raportin.

Rama: Mos ja lër Pandit se duhet të jetë i freskët.


(Faqja në Facebook e Berishës ku mungon Shqipëria (siper) dhe faqja e EUROPOL ku është Shqipëria  (poshtë)  Kliko për ta parë më të madhe

Redaksia Online
l.q/Shqiptarja.com