ITALI- Goditja e një karteli italo-shqiptar, që mbante lidhje edhe me organizata të tjera, ka zbuluar edhe përfshirjen e klaneve mafioze të fuqishme në biznesin ilegal.
Numri i arrestimeve dhe të akuzuarve sipas mediave të vendit fqinj ka shkuar në 30 dhe operacioni është ende në proces, teksa bëhet fjalë për sekuestrimin e të paktën 2 tonëve kokainë që kishte ardhur me kontejnerë bananesh nga Amerika e Jugut (kryesisht Ekuadori) dhe që kishte vlerën e 70 mln eurove.
Hetuesit, siç raporton “Genova Today”, zbuluan edhe një kontekst të gjerë kriminal: një grup vepronte në Ekuador dhe blinte drogën nga Kolumbia, substanca narkotike më pas dërgohej në Itali.
Të dyshuarit janë të kombësive të ndryshme (italianë, shqiptarë, rumunë dhe ukrainas) dhe tashmë janë përfshirë në episode të lidhura me krimin e organizuar italian dhe shqiptar.
Në fakt, marrëdhënie kriminale për furnizim me drogë janë konstatuar nga Guardia di Finanza, “mes eksponentëve të Ndrangheta dhe Camorra dhe shoqatës kriminale shqiptare që vepron në Itali, por me degëzime në Belgjikë, Shqipëri, Francë, Gjermani, Ekuador dhe Kolumbi”.
Hetuesit kanë zbërthyer edhe komunikimet në platformën e koduar dhe të enkriptuar SKY ECC.
Ngarkesat që vinin nga Amerika e Jugut dërgoheshin në portet italiane të Livornos, Genovas dhe Savonës, baza reale nga të cilat më pas nisi klasifikimi në qendrat kryesore të trafikut të drogës në vend.
Situata të njëjta janë konstatuar edhe në portet e tjera evropiane si ato të Barcelonës, Antwerpen, Roterdam dhe Shën Petersburg.
Dy persona janë arrestuar në Shqipëri në kuadër të operacionit të përbashkët ndërkombëtar me pjesëmarrjen edhe të Eurojust që u ndërmor dje (5 nëntor 2024) edhe në territorin Italian. Në hetime dhe operacion mori pjesë edhe SPAK-u shqiptar.
Në total u arrestuan 23 persona në Itali (Toskanë, Kalabri, Lazio, Puglia, Campania, Lombardi, Veneto, Liguria) dhe 2 persona në Shqipëri. Të arrestuarit në Shqipëri janë Maksim Ndoci dhe Juljan Kollçaku.
Hetimet ndaj rrjetit kriminal shqiptar u iniciuan nga Prokuroria e Firences në Itali, në vitin 2021.
Lajme të tjera
-
Itali/ U kap duke shitur kokainë, 29-vjeçari shqiptar lirohet pasi pranoi akuzën, dënohet me kusht (EMRI)
24 Dhjetor, 15:54 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Gjergj Luca i dedikon këngë Giorgia Melonit për Krishtlindje: Kur dolëm nga ferri, Italia na priti duar hapur
23 Dhjetor, 20:52 -
Marrëveshja me Shqipërinë për migrantët, Meloni mbledh qeverinë: Zgjidhje e dakordësuar me BE-në
23 Dhjetor, 17:12 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Të dënuar për trafik droge, prostitucion e falsifikim dokumentash! Ekstradohen 4 shqiptarë në Itali, dy të tjerë sillen në Shqipëri
23 Dhjetor, 13:55 -
Itali/ Babagjyshët me gondola garojnë në kanalin e madh në Venecia
23 Dhjetor, 13:42 -
Marrëveshja me Shqipërinë/ Meloni synon rifillimin e transferimit të emigrantëve në Gjadër! Mbledh sot qeverinë: Gjyqtarët pajtohen me ne
23 Dhjetor, 12:01 -
Roberto Mancini mbetet i papunë: Askush nuk më ka kontaktuar
23 Dhjetor, 11:23 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Shatërvani i Trevit në Romë rihapet pas punimeve, monumenti do të kufizohet në 400 vizitorë, rregullat e reja për turistët
23 Dhjetor, 10:46
