POP 5

Lajmet më të lexuara të 5 minutave të fundit

Politikë

Opozita në tryezën e Reformës Zgjedhore, SHBA: Mirëpresim vendimin e Bashës

"Populli shqiptar nuk meriton asgjë më pak se sa kjo."

Opozita në tryezën e Reformës Zgjedhore, SHBA: Mirëpresim vendimin e Bashës

Ambasada e SHBA-së ka reaguar ditën e sotme për vendimin e kreut të PD-së, Lulzim Basha për të marrë pjesë në tryezën e OSBE-së për Reformën Zgjedhore.

Përmes një reagimi për mediat, ambasada e SHBA-së vlerëson vendimin e Bashës, duke theksuar se përpjekjet e tij demonstrojnë udhëheqësi të vërtetë mbi një çështje thelbësore për forcimin e mëtejshëm të institucioneve demokratike të Shqipërisë.

“Shtetet e Bashkuara mirëpresin vendimin e partive opozitare për të dërguar përfaqësues në konferencën për reformën zgjedhore bashkërenduar nga parlamenti dhe Prezenca e OSBE-së në Shqipëri. Ne përshëndesim Kryetarin e Partisë Demokratike Lulzim Basha që thirri një takim të opozitës dje. Përpjekjet e tij demonstrojnë udhëheqësi të vërtetë mbi një çështje thelbësore për forcimin e mëtejshëm të institucioneve demokratike të Shqipërisë. Shtetet e Bashkuara mbështesin miratimin e reformave të nxitura nga ekspertët zgjedhorë të OSBE/ODIHR në mënyrë që Shqipëria të mund të zhvillojë zgjedhje që janë të lira nga shtrëngimi, trysnia politike, dhe blerja e votës. Populli shqiptar nuk meriton asgjë më pak se sa kjo.”, -thuhet në reagimin e SHBA-së.

Të martën, opozita vendosi për të marrë pjesë në tryezën e organizuar nga OSBE për Reformën Zgjedhore, duke dërguar 3 ekspertë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindja në Tiranë/ koncerti i Merita Halilit elektrizon sheshin 'Skënderbej', kthehet në pistë vallëzimi

Krishtlindja në Tiranë/ koncerti i Merita Halilit elektrizon sheshin 'Skënderbej', kthehet në pistë vallëzimi

26 Dhjetor, 07:36