PESCARA-Të paktën 4 trupa janë rekuperuar deri më tani në hotelin i cili u goditi fatalisht nga një ortekë dëbore ndërsa shumë të tjerë rezultojnë ende të zhdukur mes tyre edhe 2 fëmijë.

Orteku i dëborës goditi mbrëmjen e djeshme  një hotel në Farindola,  provincë në  Pescara në Itali duke shkaktuar një tragjedi të vërtetë.

Në hotelin qe ndodhet në malin Gran Sasso ndodheshin të paktën 30 persona.

Forcat e ndihmës se shpejtë rrëfejnë se ndërtesa është shkatërruar totalisht ndërsa operacionet vështirësohen për shkak të dëborës e cila ka pushtuar vendin.

Dëshmitaret thonë se kanë dëgjuar zëra nën rrenoja.

Për shkak të stuhisë së dëborës gjate të gjithë natës grupet e shpëtimit e kanë patur të vështirë të mbërrijnë në vendngjarje dhe është dashur ndihma e zjarrfikësve.
Kur mbërriten në orët e para të mëngjesit ajo që panë ishte katastrofë.



Edhe në këto moment ambulancat kanë mbetur të bllokuara rreth 9 km larg, pasi lartësia e dëborës rreth 2 metra e bën të pamundur mbërritjen në hotel.

Një pjesë e hotelit është shembur ndërsa pjesa tjetër është mbulura nga dëbora.